Pananum og HVCC, aghat sa

Presidente sa mga mag-uuma

TAGBILARAN CITY Bohol (PIA)—Human ikapadangat ang iyang tambag sa mga mag-uuma nga iyang gikahibabi, gi-aghan usab ni Presidente Ferdinand Marcos Jr., and mga Bol-anong mag-uuma nga mananum og mga high-value commercial crops , isip dugang pagpangandam batok sa El Nino.

Sa iyang pakigpulong atul sa pagtugyan sa P828 milyones nga Mabini-Cayacay Small Reservoir Irrigation Project niadtong Hunyo 22, 2026, gipa-ambit sa presidente ang iyang nahibaw-an kabahin sa posibleng taas nga huwaw.

Ito ay isa sa ating mga mahahalagang hakbang upang tulungan ang mga magsasakang matagal nang umaasa – umaasa lamang sa ulan upang mapalago ang kanilang mga pananim, butyag sa presidente.

Matud pa niya, daku ang posibilidad nga masinati sa nasud ang grabe nga El Niño, nga mahimong molanat pa ngadto sa sunod nga tuig.

Isip pagtubag sa hagit sa El Niño, atong gitambagan ang pipila ka mga mag-uuma nga mananum og high value commercial crops sama sa pakwan, luy-a, ubi, mani, talong, imbes humay nga mas magkinahanglan og daghang tubig, matud sa Presidente.

Kung mag-usab-usab ang panahon, taas nga huwaw, og kuwang sa uwan, mao ang maapektuhan. Gawas pa, mas pagrabehon pa sa nag-usab-usab nga klima ang kaguol ug kahingawa.

Dinhi sa Bohol, may mga pipila na ka iladong lugar nga naghimo sa regular nga pagpananum sa high-value commercial crops sa panahon sa ting-init, apil na ang Taug ug Lomanoy sa Lila, Balbalan sa Dimiao, San Agustin sa Talibon ug Mandaug sa Calape.

Kining mga nahisgutan nga mga lugar, aduna usab mga suporta sa tubig, apan bisan pa, basta ting-init ug may huwaw, dili gihapon mawad-an sa pangita ang mga mag-uuma.

Dugang sa presidente, sa Mabini Cacayay SRIP, makuha-kuhaan ang kahingawa sa katawhans a epekto sa El Niño, kay may mahuhaan na man og tubig para s amga tanom.

Kining tanan, matud pa, kay kauban sa National Irrigation Administration, padayonon sa kagamhanan ang pagpatinuod sa mga proyekto sa patubig aron ikapa-abante ang mga panguma sa Bohol.

Ilawom sa Administrasyon, atong pahimuslan ang mga SRIP apil ang sa Mabini–Cayacay aron mapataas ang kinitaan sa mga mag-uuma ug mas mapalig-on sila batok sa mga katalagman. (PIAbohol)

NIA NA USAB. Gawas sa ikaduha niya nga pag-anhi sa Bohol aron buksan ang susamang mga irrigation facilities, si Presidente Ferdinand Marcos Jr., karon miaghat sa mga Bol-anon sa pagtanum og mga sayon ra’ng buhi-on nga HVCC, bisag kuwang ang tubig, taliwala sa hulga sa El Nino. Kauban sa presidente silang Gob Erico Aristotle Aumentado ug NIA Adm Engr. Eddie Guillen. (PIAbohol)