LIMA KA ADLAW NGA PAMALIGYA

Abut sa tabunok nga yuta:

Bohol Sandugo Agri-Fair

TAGBILARAN CITY, Bohol (PIA)—Gibuksan sa Bohol ang pahayag sa ka-tabunok sa yutang Bol-anon pinaagi sa pagpadayag sa mga nakadaiyang produkto sa mga umahan dinhi, nga maoy sentro sa lima ka adlaw nga Sandug Agricultural Fair 2026, diha sa Plaza Rizal.

Mismo si Gobernador Erico Aristotle Aumentado kauban ni Department of Agriculture Regional Director Engel Enriquez, Bureau of Fisheries and Aquatic Resources Regional Director Mario Ruinata ug mga opisyales sa Bohol ang nanguna sa pagbukas sa agri fair nga gisalmotan sa mga kalunguran sa Bohol, agi usab sa pagduyog sa mga kalihukan sa Sandugo.

Gihimo nga showcase sa Bohol sa iyang katigayunan nga bunga sa kayutaan, gikan mismo sa mga tugkaran sa katawhan, ang kasibut sa pagpadaghans a pagkaon usab, matud pa sa gobernador, maoy naghatag sa pagsalig nga palig-onon ang mga inisyatiba sa panguma sa iyang ika duha nga termino.

Sa atong ikaduhang termino, gihatagan nato og atensyon ang sektor sa agrikultura isip kabahin sa atong pangandoy nga mamahimo kitang usa ka "smart, resilient, and inclusive" nga probinsya, saysay sa gobernador.

Gipahiluna isip usa usab ka higayon nga ikasumpay ang mga mag-uuma ug nagpadaghans a mga pagkaon ngadto sa mga konsumidor nga Bol-anon, ang Sandugo Agri Fair nailhan na usab nga dapit nga ang yanong mamalita makahigayon sa pagpili sa labing lab-as, labing maayo ug labing barato nga pagkaon, gikan mismo sa mga nagbaliya sa ila mismo nga mga abut sa umahan.

Gawas sa mga produkto sa uma, gipadayag usab og balik ang Bugas Bol-anon: ang produkto nga bugas humay gikan mismo sa mga mag-uuma ug nalakip sa Bohol Buy-back Program.

Kini nga Bugas Bol-anon, gibaligya lamang sa tag P36 ang kilo.

Gibuksan mismo sa Plaza Rizal , ang Agri Fair nagtanyag ngadto sa mas daghan sa mas sayon anhaon nga lugar kapamalitan sa mga pagkaon nga gikan sa kaumahan sa Bohol.

Sa iyang pagpakigpulong, gitukbil usab sa gobernador ang pagbukas sa mas daku nga merkado alang sa Bol-anong ubi kinampay.

Karon, adunay dakong appetite sa global market alang sa ubi, ug lapad pa kaayo ang areas for expansion, dayag sa gobernador.

Matud niya, gikinahanglan pa nga palamboon ang value chain alang sa ubi nga gikan sa Bohol. Ang kini nga Agri Fair maoy usa ka hawanan din ang mga produkto sama sa ubi, atong mapresent ug mapasigarbo.

Ug sama nga ang Sandugo nahimong us aka higayon sa pagbalik-tan-aw sa kagahapon aron buhi-on ang kapanulundan, gipabalik na usab didto sa Agri Fair ang mga nagkadaiyang katakus nga gikinahanglan sa mga banay sa bukid aron makakaon sa ani.

Masinati ni bisan kinsa didto ang pagligis sa mais, pagloboc sa humay, pagtahop, pag-alig-ig ug uban pang mga katakus.

Atong gi-awhag ang tanan nga suportahan ang usa ka semana nga kalihukan sa Sandugo Agri Fair diri sa Plaza Rizal, ug atong ipasundayag ang mga bili sa Sandugo pinaagi sa ug paghigugma sa atong kaugalingong mga produkto ug pagtinabangay alang sa kaayuhan sa sektor sa agrikultura, panapos sa gobernador. (PIAbohol)

PAGHATAG KABUG-ATON SA AGRIKULTURA. Gipaambit ni Gob ARico Aristotle Aumentado ang paghatag og focus sa agrikultura sa iyang ika duha nga termino, dala sa pagsalig nga ang industriya sa agrikultura, kusog nga makapa-usab sa ekonomikanhong kahimtang sa katawhans a lalawigan. (PIABohol/PIMO)

KINADAK-AN NGA PAMALIGYA SA PRODUKTONG UMA. Kausa sa usa ka tuig, buksan sa Bohol ang Sandugo AgriFair, ang kinadak-an nga pamaligya sa bunga ug unod sa tabunok nga yuta sa Bohol, nga magbukas sa nataran nga ika-umat sa mga pag-uuma ang mamalitay aron magbukas sa mas paspas nga patigayon sa presko nga pagkaon. Ang Sandugo agri Fair bukas pa taman sa Biyernes, Hulyo 17. (PIABhol/OPA)