Inflation sa Bohol milu-ag

Ngadto sa 7.0 gikan 7.4 %

TAGBILARAN CITY, Bohol (PIA)—Gikan sa 7.4 porsyento niadtong Mayo, 2026, midailos nag balik ngadto sa 7.0 ang paglihok sa presyo sa mga nag-unang paliton dinhi sa Bohol sa buwan sa Hulyo, nga nagpahimutang sa lalawigan nga may labing ubos gihapon nga inflation arte dinhi sa kinatibuk-ang Kabisay-an.

Segun sa Philippine Statistics Authority kinsang mga tawo giladlad sa mga kamerkadohan ug dagkong tindahan nga namaligya sa mga nag-unang gipamalit sa mga katawhan, ang paghinay sa lihok sa presyo sa Hunyo dala na sa menos nga lihok sa presyo sa pabalay, tubig, suga, gas ug uban pang igsusgunod, panakyanan, ug sa presyo sa mga ilimbong nga makahubog ug tabako.

Wala man isulti ni Bohol PSA Chief Supervising Statistician Jessamyne Anne Alcazaren, apan sa iyang pahayag, kon mihinay pa gyud unta ang pagsibog sa presyo sa pagkaon ug mga ilimnong di makahubog, panakyanan ug mga kagamitan sa balay lakip na ang pagpaayo niini, mas momaayo pa unta ang sitwasyon.

Ang pagsaka sa presyo sa pagkaon, segun sa gipadayag sa PSA, gikan sa 8.4 porsyento sa Mayo niining tuiga, milukso ngadto sa 9.3 porsyento.

Partikular nga may namatikdan nga pagsaka sa presyo sa isda ug mga pagkaon gikan sa dagat, bugas humay, ug presyo sa karne ug ubang parte sa inihaw nga mga hayop.

Mingsibog usab pataas nga presyo sa prutas, mga pagkaon nga makaon na dayun ug uban pang mga produkto apil na usan ang mantika ug mga oil alang sa pangluto.

Mingsibog usab pataas nag presyo sa mais, bisan pa nga mingsibog paubos ang presyo sa itlog, gatas, asukar ug mga minatam –is.

Nunot niining tanan, mahimong labing apektado ang mga banay kang kinsa nga mga kinitaan-anaa sa ubos sa 30%.

Gikan sa 8.6 porsyento nga inflation nga ilang gisagubang niadtong Mayo, ming saka pagihapon kini ngadto sa 8.9 porsyento.

Sa ilang dyutay lamang nga kita nga adto kasagaran nakapahat sa pagkaon ug mga ilimnong dili makahubog, mga gamit sa balay ug mga gamit alang sa personal nga panginahanglan, sila kasagran ang mas dali nga mobati sa kalisud sa nagsibug nga presyo.

Matud ni Alcazaren, labing mabati sa mga kabus ang pagsibug sa presyo sa bugas, isda ug nga pagkaon gikan sa dagat, pagkaons a mga karinderya ug kapehan, gasoline alang sa personal nga mga sakyanan ug pletehan ilabi na sa panakyanan sa dagat. (PIAbohol)

BANTAYANAN. Sa napakita nga dagan sa pagsibug sa presyo sa mga paliton, napakita nga ming-kunhod na ang dagan sa presyo sa ubang mga paliton apan ang presyo sa pagkaon nagpabiling nagki-at, ug sa panahon nga nagpasulod na ang El Nino, mahimong kini makaapekto na usab sa dagans a presyo sa sunod buwan, pasabut sa PSA. (PIAbohol)