Panawagan sa DMW sa mga OFW:

Magpabiling mabinantayon batok sa 

human trafficking ug illegal recruitment

TAGBILARAN CITY, Bohol (PIA)—Nanawagan ang Department of Migrant Workers (DMW) sa mga overseas Filipino worker (OFW), sa ilang mga pamilya, ug sa tanang empleyado sa gobyerno nga magpabiling mabinantayon batok sa human trafficking ug illegal recruitment.

Gimandoan ni Presidente Ferdinand R. Marcos Jr. ang pipila ka mahinungdanong ahensya sa gobyerno nga palig-onon ang mga lakang batok sa illegal recruitment ug human trafficking aron mapalambo ang proteksyon sa mga overseas Filipino worker (OFW).

Gihatagan og gibug-aton ni DMW Undersecretary Darlene Pajarito ang kamahinungdanon sa pag-ila sa mga timailhan o "red flags" sa human trafficking agig pagtimaan sa National Anti-Trafficking Awareness Month karong Hulyo.

“I hope that you will know by heart the acts, means, and purpose that would constitute trafficking. The red flags are there, and each one of us must know where to go and who to report these cases to. We appeal to everyone to remain vigilant against illegal recruitment and human trafficking (Hinaot nga inyong masabtan ug mahinumdoman pag-ayo ang mga buhat, pamaagi, ug katuyoan nga maisip nga trafficking. Anaa ang mga timailhan, ug kinahanglan nga kita tanan nasayod kung asa moadto ug kinsa ang angay nga report-an bahin niini nga mga kaso. Nanawagan kami sa tanan nga magpabiling mabinantayon batok sa illegal recruitment ug human trafficking)," matud pa ni Pajarito ngadto sa mga kawani sa DMW.

Gi-awhag sa DMW ang publiko nga i-report dayon ang bisan unsang gidudahang kaso sa illegal recruitment o human trafficking ngadto sa Migrant Workers Protection Bureau (MWPB) pinaagi sa mosunod nga mga detalye sa pagkontak:

Telepono: (02) 8721-0619

Email: airtipinfo@dmw.gov.ph

Facebook Messenger: DMW Anti-Illegal Recruitment and Trafficking in Persons Program

Alang sa dugang nga mga update, bisitaha ang opisyal nga Facebook page sa DMW: https://www.facebook.com/dmwphl. (ECB/PIA-7 Bohol)

Agig pagtimaan sa National Anti-Trafficking Awareness Month karong Hulyo, ang Department of Migrant Workers nanawagan sa mga Overseas Filipino Worker (OFW), sa ilang mga pamilya, ug sa tanang kawani sa gobyerno nga magpabiling mabinantayon batok sa human trafficking ug ilegal nga recruitment. (DMW)