Waiting shed nga ginama sa

Kawayan, gitukod sa Loboc

LOBOC, Bohol (PIA)—Usa ka waiting shed nga buhat sa kawayan ug botong inubanan sa desinyo nga habig sa natural nga kalikopan ang resulta sa tulo ka adlaw nga Bohol Bamboo BootCamp 2026, dinhi sa Loboc Eco-tourism Adventure Park (LEAP) sa Gotozon.

Ang Bohol Bamboo Bootcamp 2026 gituyo aron pausohon og balik ang paggamit sa kawayan ug uban pang natural apan lig-on nga mga materyales alang sa pagtukod.

Gitumong aron ikatug-an s amga arkitekto, engineers ug mga panday, lakip na ang pribadong sector nga interesado niini, para makabaton sila og personal nga kasinati-an sa sa lig-on nga mga teknolohiya sa paggamit sa kawayan.

Partikular nga gitudlo didto kon unsaon ang kawayan pagtambal nga dili na bokbokon, unsaon pagsumpay, pagtaud sa mga baringga ug ang paggamit sa kawayan isip lig-on nga haligi.

Gikat-onan usab didto sa bootcamp ang pagpasanay sa mga matang sa kawayan nga haum alang sa konstraksyon, mga desinyo ug unsaon paggamit niini sa paghimo sa design.

Matud ni Arkitek Erven Digal, ang bootcamp magpakita sa potensyal sa kawayan alang sa mga imprastraktura alang sa mga local nga kagamhanan, mga pribadong mga pagtukod ug pagpabarug sa negosyo gikan niini.

Kini aron maagni ang ga LGUS, propseyonal ug ang pribadong sektor nga sutaon ang kawayan alang sa malungtaron ug mga konstraksyon nga nagtubag sa hagit sa nagkausab nga panahon.

Napilo ug siyam ka mga partisipante ang nakatapos sa bansayansay sa bootcamp: gikan sa LGU, mga kontraktor, pribadong sector, mga panday ug ang mga tigpasiugda sa malungtaron ug gaan sa kalibutan nga mga teknolohiya.

Ang mga mingsalmot, migamit usab s ailing nakat-onan sa bootcamp aron ipabarug ang aktwal nga Bamboo Waiting Shed.

Ang kawayan nga waiting shed, nga magkantidad og P150 mil gikan s amga sponsors sa bootcamp, mao usab ang gasa mga mga partisipante nagdto sa Loboc. (PIAbohol)

TIKAROL. Gamit ang tikarol isip inspirasyon, gipabarug sa Bohol bmboo advocates ang usa ka waiting shed nga hinimo sa kawayan, isip resulta sa nakat-onan nga mga katakus sa tulo ka adlaw nga bansaybansay ug hands-on training sa paggamit sa kawayan alang sa konstraksyon. (PIAbohol/Erven Digal)