Hugot nga pagbantay sa pag-isyu og 

tax dec sa mga yuta, giseguro sa DENR 

TAGBILARAN CITY, Mayo 23 (PIA)--Gimanduan na ni Department of Environment and Natural Resources (DENR) Kalihim Roy Cimatu ang tanang field officials sa DENR nga pahinumdoman ang local governments units (LGUs) sa ilang nasakupang lugar kalabot sa pagdili sa pag-isyu og tax declarations sa mga yuta nga klasipikadong public domain. 

Kini tungod kay giingong gawas sa isla sa Boracay, nakadawat pa og kasayoran ang DENR kalabot sa iregularidad sa pipila ka mga LGUs sa pag-isyu og tax declarations sa uban pang lugar. 

Matud pa ni Cimatu nga ubos sa Presidential Decree No. 705, gidili sa bisan kinsang pampublikong opisyal o empleyado ang basta na lamang pag-isyu og Certificate of Real Property Tax sa mga indibidwal nga okupado o gi-proseso ang parte sa yuta nga usa ka forestland. 

Una niini, giingong angay una mo-agi sa sertipikasyon sa buhatan nga ang paga-buhisan deklarado isip alienable o disposable land. 

Nipasidaan si Cimatu nga ang dili mosunod niining balaod may silot nga pagka-bilanggo og hangtod upat ka tuig o permanenteng diskwalipikasyon sa bisan unsang elective o appointive positions sa gobyerno. (ecb/PIA7-Bohol).