DOST magbukas og inter-active 

STI exhibits didto’s ICM Nob 14 

TAGBILARAN CITY, November 13, (PIA)—Buksan sa Department of Science and Technology (DOST) ang interactive exhibits sa siyensya, teknolohiya ug mga kabag-uhan nunot niini, dungan sa pagbukas sa 2018 Central Visayas Regional Science and Technology Week (RSTW) Nobyembre 14 – 16, 2018 sa Island City Mall, Tagbilaran City. 

Pangunahan sa DOST pinaagi sa ilang Provincial Science and Technology Center (PSTC) ang kasaulogan nga maghatag og pagtagad sa RSTW aron ikapakita ang mga pamaagi kon giunsa sa science, technology ug innovation (STI) pag-abag sa nasudnong kaugmaran. 

Ang exhibit magbukas sugod alas 9:00 sa buntag hangtud sa alas 9:00 sa gabii didto sa ground floor sa ICM, sugod ugma hangtud Nobyembre 16, matud ni Bohol PSTC OIC Vina Antopina. 

Niining tuiga, ang kasaulogan nagdala sa tema nga "Siyensya alang sa Katawhan: Innovation alang sa hiniusang kabungahan". 

Karon’g tuiga, gidala sa DOST ang STI exhibits dinhi sa Bohol aron ipakita kon unsa na ang nakab-ot sa siyensya, teknolohiya ug mga kabag-ohan aron makaabag sa kaugmaran sa komunidad, matud pa ni PSTC Provincial Director Vina Antopina. 

Sa exhibits, makit-an didto ang mga teknolohiya nga giugmad sa DOST ug mga ahensya nga tapot niini, uban pa sa ilang mga kaabag, aron buksan ngadto sa mga kabataan ug mga hamtung nga mahilig mokat-on sa mga pamaagi sa bag-ong teknolohiya. 

Gawas sa interactive STI exhibits, may dala usab ang DOST nga mga teknikal nga sesyons didto sa Atrium sa Island City Mall. 

Sa pagbukas sa kasaulogan, gipaabut usab nga mo-anhi si DOST Secretary Fortunato dela Peña, ubang kang Undersecretary for research and Development Rowena Cristina Guevarra. 

Atul sa kasaulogan, tunolan usab sa pasidungog ang mga may maayong papatuman sa SET-UP sa DOST, ug ilusad usab ang mga bag-ong aprobado nga mga proyekto sa DOST dinhi sa Bohol. 

Gawas sa mga nasudnong kadagko-an sa DOST, gipaabut usab nga moari si Regional Director Edilberto Paradela, and tulo ka Kongresista sa Bohol ilabi na ni Kong Aristotle Aumentado kinsa naglingkod sa House Committee on Science and Technology. 

Gipaabut usab nga pangunahan ni Gob Edgar Chatto ang mga local nga opisyales uban ni Mayor John Geesnell Yap, kinsa maoy mohatag sa welcome remarks atul sa kalihukan. 

Dugang pa, usa ka Press Conference uban sa kalihin sa DOSTang mahitabo human buksi ang mga exhibits sa may alas 4:00 sa hapon didto sa The Prawn Farm, Upper Ground Floor, Island City Mall, Tagbilaran City. 

Niini miawhan ang DOST pinaagi ni Antopina, nagdtio sa mga sakop sa media sa pagpakig-uban sa DOST ug sa mga local nga opisyales. (rahc/PIA-7/Bohol) 

Niay tela nga ginama sa Pilipinas nga gitambalan nang daan para dili na duolon sa lamok, us aka epektibo nga paagi paglikay sa dengue. Kini mahimong makit-an didto sa RTSW 2018 sa ICM sugod Nob 14-16. (PIA-Bohol)