93 sa matag 100 ka reklamo

Sa DSWD 4Ps, nahapsay na

TAGBILARAN CITY, Bohol, January 28 (PIA)—Naresolbar sa Department of Social Welfare and Development (DSWD) Field Office VII ang 93 sa matag 100 ka reklamo nga nadawat pinaagi sa Grievance Redress System (GRS) sa Pantawid Pamilyang Pilipino Program (4Ps).

Segun pa ni Information Officer II sa 4Ps nga si Kerwin Macopia, sa 1,769 ka reklamo nga ilang nadawat kabahin sa pagpatuman sa $Ps, ilang nahusay ug napahapsay na ang 6,342 niini, samtang gisaad nga ang nahibilin nga 427 ka reklamo, ilang tibawason niining tuiga.

Kahinumduman nga ang DSWD nagpahimutang sa GRS isip mekanismo ug agi-anan sa pagduso sa mga reklamo, o pagpatul-id sa mga palisiya ug paglatid sa mga proseso sa paghusay up pagpahapsay sa mga reklamo nga may kalabutan sa pagpatuman sa 4Ps.

Kini nga GRS nahimo na nga tulay diin ang mga benepisaryo nahatagan sa kahigayonan nga madunggan ang ilang mga kahingawa ug sugyot aron mas mapamaayo pa ang programa, pasabut ni macopia.

Base sa mga reklamo nga gisang-at sukad sa 2018, mikabat sa 2,772 ang hisgutanan kabahin sa pagpamayad sa mga benepisyo, 1,738 ang hangyo sa social services, 933 ang kabahin sa sulirans a cash cards, 457 ang mga badlongon nga benepisaryo, 110 ang gisumbong kay dili na angayan pang hatagan, 9 ang reklamo kabahin sa staff sa Pnatawid, 7 ka kaso sa gender and development ug 6 ang reklamo pagpabalik sa listahan human gitaktak. 

Lain nga 737 ka kaso ang gihusay sa DSWD nga wala mabahig sa mga sumbanan sa ibabaw.

Ang taas nga reklamo kabahin sa bayranay, matud sa DSWD, napugngan tungod sa kakuwang sa mga dokumento nga gikapresentar sa mga na-agrabyado, sama sa certificate of school enrollment aron mapahigayon na ang pag-update sa mga datus,” matud pa ni regional grievance officer Joan Florabell Felicio.

Gipasalig usab sa DSWD nga ang nahibilin nga 6.84% nga kaso nga husayonon pa lamang, kaya ra nila nga abtun sa ilang timeline.

Bisan pa niini, matud sa DSWD, ang atong grievance officers nga naa sa kalungsuran, naghimo og mga nagkadaiyang kalihukan sama sa pagpahimutang sa mga GRS help desk atul sa Pantawid Pamilya payout aron direkta nga makapahungaw sa ilang suliran ang mga banapisaryo ug dali usab nga ikapasabut sa mga tinugyanan ang mga tubag niini.

Naglibut usab ang mga taga DSWD sa mga kabalayan ug mingtambongs a mga FDS aron makapaagi sa pagpasabut sa programa ugs a mga sumbanan niini, diin gihingusgan ang nila ang tukma nga  paggamit sa cash grants u gang mga silot kon dili matunong ang paggamit sa tabang,” dugang ni Felicio.

Subay usab niini, ming-aghat ang DSWD pinaagi ni Felicio, ngadto sa publiko sa pagpadala sa ilang mga reklamo kabahin sa abuso sa pagpatuman sa 4Ps, adto ipaagi sa City ug Municipal Links o sa regional office sa DSWD.

Gani, ang publiko makahimo man sa pag-email sa DSWD pinaagi sa 4psreklamo@gmail.com o motext sa ilang reklamo subay sa hotline number 09189122813, sunda lamang kining text format: DSWD4PsNgalan sa Benepisaryo Mensahe (Pananglitan: DSWD 4Ps Juana dela Cruz, kuwang ang nadawat sa payout sa Tagbilaran City, Bohol). (rahc/PIA-7/Bohol)

Ang GRS team sa DSWD nagpadagan usab sa mga home visitations aron mapasabot og maayo ang mga palisiya sa pagpatuman sa 4Ps aron kakunhoran na usab ang mga reklamo nga nakabitay sa benepisyo sa mga angay tabanganan. (DSWD)