Alicia Trail Run 2019, nanawat 

nag rehistro hangtud Enero 25 

TAGBILARAN CITY, Bohol, January 9 (PIA)—Bukas na usab alang sa mosalmot sa duha ka adlaw nga mga lumba: ang labing daku ug labing sikat nga lumba sa dagan nga giila nga Alicia Trail Run Series ug ang lumba sa bisekleta nga nailhan nga Kinatkatay sa Binabaje, 2019. 

Gani, matud sa mga tigpasiugda, ang pagparehistro taman lamang sa Enero 25, o kon mapuno na ang mga slots, hain man niini ang ma-una, wala nay lugway pa. 

Usa ka nasuwayan nga nga tinuig nga produkto pangturismo sa Alicia, ang TAPP Trail Run naa pa sa iyang ika duh aka tuig apan tataw na ang iyang kainila bisan pa nga gi-tawag kini og ang labing brutal labing nindot nga lumba sa dagan nga wala sa mga sayon nga karsada himo-a. 

Ug kon sa imong tan-aw, kaya na nimo nga modagan subay sa mga buko-buko sa kabungturan nga may labing nindot nga talan-awon saka ngadto sa labing lisud nga dagananan nga gilumba-an, nan, sama pay imong tighuwat? 

Alang sa tinuig nga kasaulogan sa pagkatukod sa lungsod sa Alicia, naandan na nga ang dungan nga kalihukan sa pagsaulog kuygan sa The Alicia Panoramic Park (TAPP) Trail Run ug karon nga tuig, buksan kini alang sa 30 kilometros alang sa 150 ka runners, 10 kilometros alang sa 150 ka runners ug ang 3 kilometros nga Kiddie alang sa mga bata nga 5-12 anyos sa 50 ka runners. 

Ang lumba sa dagan adto magsugod sa The Farm, Cambaol ug mosubay sa mga dalan-dalan sa labing nindot nga mga kabungturan sa Bohol didto sa Camba-ol Alicia karon Pebrero 24 Dominggo sugod sa alas 5:30 sa buntag. 

Matud ni Municipal Tourism Officer Godelia Lumugdang, ang registration alang sa 30 kilometros P1,200, 10 kilometros P700 ug P500 alang sa Kiddie category. 

Ang registration maga-apil sa sa libre na nga event t-shirt, race bib, finishers medal ug pagkaon human sa lumba. 

Alang sa mga morehistro, mahimo nga modeposito sa bisan hain nga accounts: BPI sa ngalan ni Venus Dy, account number 1685-0020-23, BPI Alfaro, Makati, sa BDO Checking Account sa ngalan gihapon ni Venus Dy, BDO Checking Account, Account Number: 00168-802-4303, BDO PhilAm-Valero, Makati. 

Mahimo usab nga morehistro pinaagi sa Pera Padala (Palawan Express o MLhuiller), ug adto ipadala ni Eva Dy, Contact Number: 09171688571 / 09198102647. 

Sa mga morehistro, kinahanglang kompletohon ang mosunod: Pangalan, Apelhido, Race Category, Panuigon, Kasari-an, Email Address, kadak-on sat shirt, Contact number ug Pinuy-anan. 

Kini nga tanan, i-email uban sa kopya sa deposit slip o resibo sap era padala nagdto na sa tapptrailrun@gmail.com ubanan sa subject nga “TAPP Trail Run 2019 - (Race Category), pananglitan: Subject: TAPP Trail Run 2019 – 30KM, diin makuha gilayon ang email confirmation kon ang gibayad, masuta nga nasulod na sa account sa TAPP. 

Mahimo usab, matud ni Lumugdang ang onsite registration didto sa Alicia Tourism Office, Alicia Municipal Hall, pangitaa lamang ang tourism officer Godelia Lumugdang. 

Mahimo usab ang group registration diin itataw sa usa ka email ang tagsatagsa ka detalyo. 

Kadtong mga bata nga mosalmot sa Kiddie Run, kinahanglan nga ubanan sa us aka hamtong na og edad, kansang ngalan, ilakip sa irehistro. 

Alang sa dugang kasayuran, bisitaha ang The Alicia Panoramic Park page sa Facebook. (rahc/PIA-7/Bohol)