Awhag sa SSS sa mga miyembro: 

i-update ang inyong contact details 

TAGBILARAN CITY, January 25 (PIA)--Ang Social Security System (SSS) mi-awhag sa mga individually-paying members niini, apil na ang mga self-employed, voluntary members, non-working spouses, ug overseas Filipino workers (OFWs), sa paghatag og update sa ilang contact information sa buhatan aron makadawat sa ilang Payment Reference Number (PRN) pinaagi sa text message. 

Ang Real-Time Processing of Contributions (RTPC) program, nga nanginahanglan sa PRN sa dili pa mobayad, dihadiha mo validate, transmit ug mo-ila dayon sa contribution payment uban sa SSS records sa miyembro. Sa pagbayad sa ilang kontribusyon gamit ang PRN, ang miyembro makadawat og pahibalo pinaagi sa SMS nga ang ilang kontribusyon na posted na. 

Si SSS President ug Chief Executive Officer Emmanuel Dooc, makusganong mi-awhag sa ilang mga miyembro nga wala pa nagpa-rehistro sa My.SSS nga pasilidad aron ilang makuha ang ilang PRN online, sa paghatag sa ilang SSS contact information alang sa issuance sa ilang PRN pinaagi sa SMS. Sa ingon niining paagi, makabayag na sila sa ilang binuwan nga kontribusyon ug malikayan ang kalangan sa pagproseso sa ilang benefit claims ug uban pang serbisyo. 

Matud pa ni Dooc nga may tulo ka paagi sa pag-update sa mga miyembro sa ilang contact information. Una, pinaagi sa over-the-counter sa bisan asang SSS branches sa tibuok nasud; ikaduha, pinaagi sa My.SSS account sa ilang website; ug ikatulo, pinaagi sa SSS Mobile Application. Gitawagan usab ang mga miyembro sa pag-rehistro sa My.SSS facility sa SSS website (www.sss.gov.ph) ug SSS Mobile Application, aron ilang makuha ang ilang PRN. 

Ning bag-o lang, ang SSS nipahibalo sa mga miyembro niini nga makabayad sila sa ilang kontibusyon bisan walay PRN isip tubag sa panawagan sa mga miyembrong naglisod sa pag-akses sa internet. Apan limitado lamang kini sa wala pa nakadawat sa ilang PRN kaniadto. 

Sa mga mobayad nga walay PRN, ang SSS mihangyo sa mga miyembro sa pag-update sa ilang contact information sa database. Human niini, ang miyembro makadawat sa ilang PRN pinaagi sa SMS alang sa sunod nilang payment of contributions. 

Ang mga miyembro mahimong mobisita sa pinakaduol nilang SSS branch sa pag-update sa ilang contact information pinaagi sa pagsulay sa Member Data Change Request Form (SSS Form E-4), o ang Member Information portion sa Payment Slip. 

Sa pag-update sa contact information online, ang miyembro kinahanglan lamang mo-click sa “Try My.SSS Beta” nga makita sa SSS Website’s homepage; log in gamit ang iyang My.SSS account; e-click ang “My Information” unya ang “Update Information;” e-check ang box nga gusto nilang e-update; click “Next” unya “Update” ug e-save o print ang Online Data Change Request form sa PDF. 

Ang mga miyembro mahimo usab mo update sa ilang contact information pinaagi sa SSS Mobile Application, log in lamang gamit ang ilang My.SSS account credential; click My Information; click Update Information; click Contact Details ug pilia ang Mobile Number unya e-submit. 

Ang SSS mipahimangno usab sa mga miyembro nga ang PRN makuha sa upat ka paagi: pinaagi sa My.SSS online account sa SSS website; SSS Mobile Application; pinaagi sa PRN inquiry facility sa collection partners sa SSS; ug pinaagi sa bisan asang SSS branch sa tibuok nasud. (ecb/PIA7-Bohol)