GFNYPh mag-chip timing, 

Modawat sa MTB, tri bike 

TAGBILARAN CITY, Bohol, January 24 (PIA)—Pwede nga mountain bike o time trial bike nga iapil sa Gran Fondo New York (GFNY), apan sa kakuyaw nga idungan sa mga road bikes, ipauwahi sila og buhi. 

Kini maoy gipasabut sa local nga organizer sa labing daku nga international cycling qualifier alang sa New York marathon karon Mayo Bohol apan himoon na sa Bohol karong Domingo, Enero 27. 

Matud pa ni David Aliño, kauban sa mga local nga organizer ug haligi sa Bol-anon nga grupo sa mga elite bikers nga Paseo de Loon, dili kasagaran mosugot ang GFNY nga may mountain bikes, gani, dili sila pabor nga may tri-bike o kadtong may aero-bars sa kadelikado niini sa handling ilabi na sa dagkong peloton. 

Kahinumduman nga ang configuration sa tribike, ang kadtong may mga aero bars o manobela niini, gidesenyo nga hipos ang lawas sa mosakay, nga mahimong suliran sa bike handling ilabi na sa wala masuheto sa agi-anan, og mao na unya’s maka-angin sa disgrasya. 

Dili usab parehas ang batalya o frame sa road ug tri-bike nga hinungdan sa dili parehas nga handling, ug basin og maoy hinungdan sa kaguliyang sa kadalanan. 

Sa laing bahin, ang mountain bike, bukad ang iyang bars ug delikado nga makig-ambas sa road bikes ug mag-sig-iday na hinuon nga maoy sinugdan sa aksidente. 

Apilan sa mga international, national ug local nga mga cyclists, ang GFNY, us aka matang sa lumba nga mogamit sa time chips. 

Ang chips, itaud sa usa ka cyclist, mahimong sa sapatos, sa bike o sa race bib og mosugod lamang og patak ang oras sa panahon nga moagi sa front coral ug mopatay usab inig balik sa coral o sa start ug finish line. 

Tungod niini, dili gihapon alkanes kon nauwahi og gikan kay wala pa man usab mopatak ang oras. 

Ang unang buhi-an nga bahan sa mga cyclists sa GFNY, ang road bikes mogikan sa Bellevue sa Panglao sa alas 7:00 en punto, mosubay sa central highway sa Panglao, mosaka sa Baclayon paingon sa Tanday-Payahan, mokanaug sa Corella, paingon sa Sikatuna, Loboc, Bilar, sulod sa Batual paingon sa Makapiko-Hanopol Balilihan, gawas sa Corella ug balik sa Bool sulod sa Dauis ug balik sa Panglao. 

Sa mga nahisgutan nga mga agi-anan, mapaabut nga may pagkontrolar sa traffic, segun pa sa advisory nga gipagawas sa Bohol Tourism Office. 

Tungod sa kinaiya nga pinaspasay ug walay hunongay para maapas an g personal best times sa mga bikers, kon adunay cyclista nga naa sa dalan, may higayon nga permi hatagan gyud og lugar ang siklesta, ug pahunongon o giyahan ang mga sakyanan sa paghatag og gintang. 

Segun sa international nga balaod alang sa mga motorist kon adunay biker sa karsada, lugaran kini og 1.5 metros o labing menos usa ka dupa. 

Ang GFNY, padayon pang nanawat sa registration sa https://gfny.cc/iframe?id=6&lang=en sa $130 taman sa Enero 25. (rahc/PIA-7/Bohol)