Enero 26, sugod sa early registration sa 

mga estudyante alang sa SY 2019-2020 

TAGBILARAN CITY, January 25 (PIA)--Magsugod sa Enero 26 ang early registration o sayo nga pagpa-rehistro sa mga estudyanteng mosulod sa mga pampublikong tunghaan alang sa school year 2019-2020. 

Ang mga kinahanglang magpa-early registration mao kadtong mga estudyanteng mosulod sa Kindergarten, Grades 1, 7 ug 11 sa mga pampublikong tunghaan sa tibuok nasud. 

Si Department of Education (DepEd) Undersecretary Annalyn Aevilla nagkanayon nga tumong sa early registration nga matumbok ang gidaghanon sa mga batang mosulod sa mga pampublikong tunghaan sunod tuig aron mahibaw-an ang ilang budget. 

Ang maong mando sa DepEd gipasaka tungod sa gikinahanglan nga ma-estimate, pananglitan sa budget. 

Giingong pagpangandam usab kini alang sa mga tunghaan, division superintendents ug regional directors aron dili makurat sa gidaghanon sa mga estudyante. 

Gipaabot sa DepEd nga naa sa usa ka milyon ang mosulod sa kindergarten ug 1.5 milyon usab sa senior high school ang mosulod nga estudyante sa umaabot nga tuig. 

Molanat og usa ka buwan ang early registration nga matapos sa Pebrero 25. 

Samtang dili na kinahanglang magpalista sa early registration ang Grades 2-6, 8-10 ug Grade 12. (ecb/PIA7-Bohol)