Sa pagpamomba sa Jolo

OPAPP- “Di’ kita mahadlok”

CORTES, Bohol, January 27 (PIA)—Kon nagtuo ang nga naghimo sa pagpamomba sa Cathedral sa Jolo nga mobahag ang ikog sa kagamhanan ug mahadlok sama sa kaniadto, mao kana ang una nilang sayop.

Gikan sa Office of the Presidential Adviser on the Peace Process (OPAPP) pinaagi ni Presidential Peace Adviser Carlito Galvez Jr., matud sa kagamhanan, dili na kini ang panahon nga mahadlok ni’ng mga nilipot ug tinalawan nga buhat.

Kahinumduman nga usa ka bomba ang mingbuto sulod sa Jolo Cathedral samtang magsugod na unta ang misa, mga alas 8:15 sa buntag, Enero 27. Gikataho nga daghan ang namatay ug mas daghan pa ang mga samara ug angol sa maong hitabo.

Human sa una nga pagboto, samtang mingresponde ang mga sakop sa Armadong kusog sa Nasud nga sakop sa 35^th Infantry Batallion, lain nga bomba ang mingbuto didto sa gawas sa nahisgutan nga Cathedral, nga nakaagin sa mga kasundalohan ug usa ka sakop sa Philippine Coast Guard.    

Us aka Improvised Explosive Device (IED) ang matud pa, gibilin sa ubox sa us aka motor nga giparking didto ang tinubdan sa ikaduha nga pagbuto. 

Gikataho nga minag-abut na sa 27 ang patay sukad niadtong udto sa Enero 27 samtang 77 ang gikataho nga nasamdan ug naangol, pipila kanila gipangdala na sa mga tambalanan.

Giingon nga 5 na sundalo, us aka sakop sa Coast Guard ug mga mga sibilyan ang naamong sa pagpamomba nga nahitabi, pipila lamang ka adlaw human mingpili ang mga taga didto sa kamugnaan sa Muslim Autonomous Region.  

Sa laing bahin, si Presidentail Spokesperson Salvador Panelo ming-saway sa pagpamomba samtang iyang gitawag ang insidente nga “terorismo ug walay kalooy nga pagpamatay.”

Himoon sa kagamhanan nga gukdon hangtud sa ngilbit sa kalibutan ang mga nagpaluyo niining malipoton nga buhat hangtud ng anag tanan’g mat kalambigitan niini, mataral sa hukmanan ug matanggong sa bilangguan. Ang balaod dili maghatag kanila ug kalooy, pasalig ni Panelo.

Gikondena usab sa OPAPP gamit ang labing bug-at nga pulong ang pagpamomba samtang uban nga nagbangutan ang kagamhanan sa mga banay sa mga biktima sa angay kasilagan nga buhat.

Taas na kita og naabtan sa atong panaw sa pagpangita’g malungraron nga kalinaw alang sa Mindanao. Karon, dili na ang panahon nga  kita pakurogon ug hadlokon sa tinalawang buhat, matud ni Presidental Peace Adviser Galvez Jr.

Hinuoon, giawhag sa OPAPP ang tanan nga ipakita ang nahiusa nga tumong sa pagpatigbabaw sa malinawon, naghugpong ug maugmaron nga Mindanao, sumpay niya.

Dungan usab niini, gihangyo sa OPAPP ang tanan nga magpabilin nga kalma ug magpugong sa dugang pagtigaw sa hitabo pinaagi sa pagpadayag sa mga walay kabasihan nga panaghap sa social media.

Atong paabuton nga matapas sa mga tinugyanan ang ilang imbestigasyon ug pagtuki, matud pa ni Galvez, sa us aka pahayag nga gipagawas.

Hinuon, salig kamo nga ang mga nagbuhat sa salaud, sa labing dali nga panahon, mapaatubang sa mga tinugyanan aron atubangon ang tulubagon sa nahimo nilang salaud, panapos ni Galvez.

Hangtud karon, wala pa’y miangkon sa pagpamomba, samtang padayon pa ang pag-imestigar sa mga tinugyanan, human daghan ang nagduda nga kini, buhat na usab sa mga sakop sa Abu Sayyaf. (rahc/PIA-7/Bohol)