Coast Guard mitataw: Wala pay gitakdang petsa
sa pasulit sa mga gustong mahimong miyembro sa PCG

TAGBILARAN CITY, Jan. 8 (PIA)--Gitataw sa Philippine Coast Guard (PCG) nga wala pa sila’y gitakdang petsa alang sa PCG Battery Exam karong tuig 2019. 

Ang maong pasulit alang sa mga aplikante nga gustong mahimong miyembro sa PCG. 

Sa usa ka official announcement nga gipagawas sa buhatan, gitataw sa PCG nga walay kamatuoran ang mga nikatap nga taho sa online nga may gitakda nang petsa alang sa maong pasulit. 

Matud pa sa Coast Guard nga kun may gitakda nang opisyal nga schedule alang sa PCG Battery Exam, ipakatap kini dayon nila sa ilang official website ug social media accounts. (ecb/PIA7-Bohol)