DOE may gipaambit nga mga 

Tips sa pagdaginot sa gitubil 

TAGBILARAN CITY, Bohol January 10 (PIA)—Karon nga mingsaka na usab ang presyon sa igtutubil dala sa gipatuman na usab nga excise tax subay sa Tax Reform for Acceleration and Inclusion (TRAIN), nagpa-ambit ang Department of Energy sa mga paagi sa pagdaginot sa tubil. 

Matud sa DOE pinaagi ni Secretary Alfonso Cusi, daghan ang wala masayud nga ang pagbutang sa sakto nga hangin sa ligod sa imong sakyanan, magtanyag sa dugang tigum. 

Segun pa ni Sec Cusi, ang ligid nga kuwang sa hangin bug-at alang sa makina mao nga mas mahago kini og mogasto og mas daghan nga tubil sa matag kuwang nga pound per square inch (psi) sa angayan nga pressure sa upat ka ligid. 

Niini, makadaginot og mga labing manos PhP150 matag buwan nga gasolina, ug mga P120 usab alang sa krudo ang gitubol kon permi na sakto ang tire pressure. 

Gawas pa, ang permi nga paggamit sa hugaw nga air filters magdugang og ngadto sa 10% sa konsumo sa tubil, butang nga matigum na unta kon maghimo sa regular nga paglimpyo sa air filters. 

Agi ug puno sa mas mapamaayo nga abton sa dagan sa sakyanan, ang limpyo nga air filters magpugong sa pagsagol sa mga hugaw hugaw nga maoy makadaut sa makina. 

Sa limpyo nga air filters, matud ni Cusi, P432 ang matigum matag buwan sa tubil nga gasoline ug P340 usab nga tubil sa krudo. 

Labing mayo usab, matud sa DOE nga planohon na og maayo ang mga lakaw aron dili na kinahanglan pang magbalikbalik sa byahe, ug makatampo pa sa dugang peruhisyo sa traffic. 

Girekomenda na usab sa DOE ang pagkat-on sa mga tigmaneho sa paggamit sa economy mode sa mag sakyanan diin pili-on na ang kakusgon sa dagan ug dili magpataka og tamak sa gasolinador unya motamak usab sa brake. 

HInayhinaya hinuon og tamak pagpakusog ug dili kalitkaliton ang pagpahunong gamit ang natural nga dagan sa sakyanan nga moabut sa lugar diin nimo gusto pahunongon, pasabut sa ahensya. 

Subay usab niini, may mga gisugdan nga nga lakang sap ag-aghat sa katawhan nga dili na mogamit sa mga karaang sakyanan kay gawas nga mas kini og konsumo, wala pay napahimutang nga mga mekanismo niini nga magpagawas sa mas limpyo nga aso nga gibuga sa hi sa mga bag-ong modelo. 

“Atong sugaton ang nag-o nga tuig sa bag-o nga panglantaw, bag-o nga paglaum ug bag-o nga mga pamaagi sa pagsagubang sa inadlaw-adlaw nga mga hagit sa 2019,” aghat ni Cusi. (rahc/PIA-7/Bohol)