Dugang P1,000 nga pension sa GSIS, 

madawat sa mga retirado ug PWDs 

TAGBILARAN CITY, January 31 (PIA)--Makadawat og dugang P1,000 sa pensiyon ang mga retirado ug persons with disability (PWDs) gikan sa Government Service Insurance System (GSIS). 

Sa gipahigayong press conference kagahapon didto sa ulohang buhatan niini, gibutyag ni GSIS President Jesus Clint Aranas nga target nilang mapagawas sa sunod buwan hangtod Marso ang resolusyong magsaka sa minimum basic pension ngadto sa P6,000 gikan sa P5,000. 

Giingong walay epekto ang dugang pensiyon sa pondo sa GSIS, matud pa ni Aranas nga mokabat sa kapin 40 ka tuig. 

Mao nga bisan adunay dugang sa pensiyon, dili pasakaan sa GSIS ang kontribusyong gipangayo niini sa mga miyembro. 

Apan kun molusot sa Kongreso ang usa ka balaodnong tuyong i-ubos ang retirement age sa 60 gikan 65, giingong posibleng mogamay ang kinabuhi sa pondo sa GSIS sa 15 ka tuig. (ecb/PIA7-Bohol)