Duterte mimando sa AFP

pagpulpog sa mga kaaway

TAGBILARAN CITY, Bohol January 30 (PIA)—Gimandu ni President Rodrigo Roa Duterte ang all-out war batok sa Abu Sayyaf ug sa mga kaaway sa nasud, kini human ipadayag sa pangulo ang iyang kasuko ug pahasubo sa mga nabiktima sa pagpamomba sa us aka Cathedral sa Jolo.

Kahinumduman nga us aka bomba ang mingbuto sulod sa Mount Carmel Cathedral sa Jolo, Sulu sa wala pa makasugod ang santos nga misa.

Lain nga bomba usab ang mingbuto didto sa parkingan sa mga sakyanan pipila ka minutos ang minglabay.

Sa pagkalinaw na, nagpasad ang 21 ka buok patay ug kapin sa 100 ang naangol dala sa pagpamomba.

Usa  ka grupo sa mga abndido nga teroristang Abu Safyyaf ang ming-angkon sa pagpamomba.

Dala niini, human miduyog ang Presidente sa mga kabanay sa mga biktima, iya nga gimando sa Armado nag Kusog sa Nasud nga pulpogon ang mga kaaway ug sugdan ang all-out war batok niini.

Sa us aka press briefing sa Palasyo, si Chief Presidential Legal Counsel ug Presidential Spokesperson Salvador Panelo mibutyag sa mga sakop sa prensa, nga dili na tiaw-tiaw pa ang mandu sa Presidente.

“Kon ang iyang gisulti, mga kaaway sa estado, ang atong gipasabut kadtong migamit sa kagubot batok sa estado, kadtong buot mogun-ob sa mga institusyong demokratiko sa nasud,” pasabut ni Atty Panelo.

Kadtong mopatay, magtanum og kahadlok ug kaguliyang, mamomba sa mga sibilyan, mga sundalo ug mga pulis, kini sila maoy mga kaaway sa estado nga gipasabut sa president ug dili kadtong mga tigpanaway lamang, dugang ni Panelo.

Gipadala na sa mga tinugyanan sa armadong kusog sa Sulu ang mas daghan pang sundalo, aron suhiron ang lugar ug gukdon ang mga krimonal bisan pag adto sa tumoy sa kalibutan, matud ni Panelo. 

Niini, mas istrikto na ang mga sundalo. Kon ang kanhing checkpoints, yano nga tan-aw lamang, karon, paabuta ang mas kuti nga pagtuki, dugang pasabut niya.

Aron sa paghulagway sa all out war nag mandu, gitukbil sa Presidential Spokesperson ang kasinatian sa Marawi.

Tan-awa giunsa niya ang marawi, mao ladto ang pananglitan kon unsaon sa presidente pagpulpog sa mga kaaway sa estado, saysay ni Panelo.