Election period,

magsugod na sa Domingo

TAGBILARAN CITY, Jan. 10 (PIA)--Magsugod na ang election period sa Domingo, Enero 13.

Ang election period naglangkob sa kinatibuk-ang eleksyon gikan sa pagpangandam hangtod usa  ka buwan human ang eleksyon o sa Hunyo 12.

Sa maong panahon magsugod ang pipila sa mga gidili sa panahon sa eleksyon.

Ipatuman na sugod Enero 13 ang gun ban sa tibuok nasod o pagdili sa pagdala og pusil, gawas kun adunay awtorisasyon gikan sa Commission on Elections (Comelec).

Gidili na usab nga bag-ohon ang lugar sa presinto o pagbutang og bag-ong presinto alang sa eleksyon, pagbalhin sa mga empleyado sa gobyerno, paggamit og security personnel o bodyguard kun walay pagtugot miso sa Comelec, pagmugna og reaction forces ug strike forces ug ang pagsuspender sa mga napili nga opisyal. (ecb/PIA7-Bohol)