Kinatkatay sa Binabaje 

“Extreme cross country MTB 

Sa ‘Kinatkatay sa Binabaje’ 

CORTES, Bohol January 15 (PIA)—Ang lumba sa mountainbike nga ingon ka sakit sa limba sa epic apan katunga ra sa kalay-on sa tinud-anay nga epic, buksan na usab karong tuiga didto sa mga kabungturan sa Binabaje, Cambaol, Alicia. 

Sa kalay-on nga 35 kilometros nga saka kanaug sa mga kabiungturan sa Cambaol paingon sa Cabatang, tabok sa highway sa Untaga, tungas sa Del Monte, naug sa Putlongcam, gawas sa highway sa Napo ngadto sa Cayacay balik Cambaol, ang lumba sa bisekleta una na nga nailhan nga Kinatkatay sa Binabaje, butyag ni Godelia Lumugdang, tourism officer sa lungsod sa Alicia. 

Naa na sa iyang ika tulo nga tuig, ang Kinatkatay sa Binabaje mao na usa sa labing lig-on nga pagtataw sa abilidad sa us aka sikleta sa iyang kakusgan, labi na sa paglahutay sa saka kanaug nga mga dalan-dalan, barangay roads ug sementado nga highway. 

Nailhan na usab nga Extreme Cross Country Mountain Bike Race, ang Kinatkatay sa Binabaje, maoy pares sa naandan na nga Alicia Trail Run Series, ug sama sa ilang kinaiya, ang duh aka lumba, adtyo mahinabo sa The Alicia Panoramic Park (TAPP) sa Binabaje sa Cambaol. 

Giisp na nga usa sa mga nag-una nga mga kalihukan nga pangturismo sa Alicia, ang lumba sa Kinatkatay, segun pa sa mga nakaagi na sa nahisgutang lumba, manginahanglan sa hagtik nga kusog u gang paglahutay sa walay undang nga sika ilabi na sa patungas sa mga bungtod sa Binabaje. 

Buksan sa lima ka category, giisip na sa kadaghanan nga ang lumba sa Elite category maoy labing init. 

Bukas ang lumba nga mahitabo sa Febrero 25 ang mga kategorya nga Elite, Masters (45 pataas), Senior (31-44), Juniors (30 years old and below), ug ang beginners. 

Gidayo na sa mga taga Mindanao, Visayas ug uban pang parte sa Luzon, ang Kinatkatay karong tuiga, mas milaum nga makit-an na sa mga tigbisekleta ang saysay sa pagkalisud sa lugar dala sa kinatkatay nga nagdaghan dinhi. 

Ang kinatkatay sa Binabaje may P400 nga registration uig bukas hangtud sa Febrero 8, maga-apil sa race shirt, post race lunch ug finishers’ medals. 

Sa mga taga lagyo ug dili posible nga moadto sa Alicia aron maregistro, naghimo ang mga organizers sa Sistema nga mahimo ang online registration. 

Alang sa mga morehistro, mahimo nga modeposito sa bisan hain nga accounts: BPI sa ngalan ni Venus Dy, account number 1685-0020-23, BPI Alfaro, Makati, sa BDO Checking Account sa ngalan gihapon ni Venus Dy, BDO Checking Account, Account Number: 00168-802-4303, BDO PhilAm-Valero, Makati. 

Mahimo usab nga morehistro pinaagi sa Pera Padala (Palawan Express o MLhuiller), ug adto ipadala ni Eva Dy, Contact Number: 09171688571 / 09198102647. 

Sa mga morehistro, kinahanglang kompletohon ang mosunod: Pangalan, Apelhido, Race Category, Panuigon, Kasari-an, Email Address, kadak-on sat shirt, Contact number ug Pinuy-anan. 

Kini nga tanan, i-email uban sa kopya sa deposit slip o resibo sa pera padala ngadto na sa tapptrailrun@gmail.com ubanan sa subject nga “Kinatkatay sa Binabaje 2019 - (Race Category), pananglitan: Subject: Kinatkatay sa Binabaje 2019 , diin makuha gilayon ang email confirmation kon ang gibayad, masuta nga nasulod na sa account sa TAPP. (rahc/PIA-7/Bohol)