Luzon ug Visayas, 

apektado gihapon sa Amihan 

TAGBILARAN CITY, Jan. 9 (PIA)--Walay nasigpatang dili maayong panahon ang Philippine Atmospheric, Geophysical and Astronomical Services Administration (PAGASA) sulod sa nasod sa kasamtangan. 

Base sa 4am update karong adlawa sa ahensiya, hanging Amihan pa gihapon ang weather system nga nakaapekto karon sa nasod. 

Tungod niini, makasinati og madag-umon nga kalangitan nga may katag-katag nga hinay nga pag-ulan ang Luzon ug ang tibuok Visayas. 

Maayo usab ang panahon sa Mindanao nga may posibilidad lamang og daling pag-ulan tungod sa localized thunderstorms. 

Samtang, naka-isa gihapon ang gale warning sa mga kabaybayonan sa amihanang bahin sa Luzon ug gidili ang paglayag sa mga gagmay nga mga sakyanang pang-dagat. (ecb/PIA7-Bohol)