PH, Myanmar, milagda og kasabotan

sa pagbinayloay og impormasyon

MANILA, January 29 (PIA)--Milagda og kasabotan ning bag-o lang ang Pilipinas ug Myanmar aron mas mapakusog ang pagbinayloay og impormasyon sa duha  ka nasud.

Gipangunahan ang paglagda nila Presidential Communications Operations Office (PCOO) Kalihim Martin Andanar ug Union Minister Pe Myint sa Ministry of Information sa Myanmar.

Ubos sa maong kasabotan, magbaton og pagbinayloay og news ug information ang duha  ka nasud apil na ang mga TV ug radio report sa mga state-run media organization.

Magpahigayon usab og pagbansay-bansay tali sa mga government media personnel.

Sa usa  ka pakighinabi, gipahayag ni Andanar nga gamit ang maong kasabotan, malikayan ang disinformation o sayop nga impormasyon tali sa Pilipinas ug Myanmar ug giingong usa  usab kini ka epektibong paagi aron mapugngan ang pagkatap sa mga “fake news” o pekeng balita. (ecb/PIA7-Bohol)

 

Si PCOO Kalihim Martin Andanar malaomon nga pinaagi sa kasabotan sa Pilipinas ug Myanmar sa pagbinayloay og impormasyon, malikayan ang disinformation ug ang pagkatap sa mga “fake news” tali sa duha  ka nasud. (ecb/PIA7-Bohol)