Syudad sa Tagbilaran, nalakip 

sa Top 10 Ph Destinations

TAGBILARAN CITY, January 22 (PIA)--Nalakip ang syudad sa Tagbilaran sa top 10 nga destinasyon sa nasud base sa report nga gipagawas sa usa  ka online travel booking ug travel metasearch nga kumpanyang Skyscanner. 

Ang Scotland-based Skyscanner nipagawas sa ilang report nga gitawag og “Travel Awards for Filipino Cities 2019” niadtong Enero 11, 2019, nga naglakip sa syudad sa Tagbilaran isip usa  sa 10 ka labing gibisita nga lugar sa Pilipinas.

Sa maong listahan, nag-una ang Manila sa labing gibisita nga lugar sa Pilipinas sa mga tigbiyaheang Pinoy.

Gisundan kini sa Cebu samtang nahimutang sa ikatulong dapit ang Puerto Princesa.

Giokupar ang ika-upat nga dapit sa Davao nga gisundan sa Caticlan, Iloilo, Busuanga, Tacloban, ug Bacolod.

 Samtang nahimutang sa ika-10 nga dapit ang syudad sa Tagbilaran sa maong listahan.

Matud pa sa Skyscanner, ang maong listahan base sa 2018 flight search data. (ecb/PIA7-Bohol)

Nahimutang sa ika-10 nga dapit ang syudad sa Tagbilaran sa listahan sa “Travel Awards for Filipino Cities 2019” nga gipagawas sa online travel booking ug travel metasearch nga kumpanyang Skyscanner. (ecb/PIA7-Bohol)