Suga, tubig, pito, selpon

Ug pagkaon, mandatory

Sa Alicia Trail Run 2019

TAGBILARAN CITY, January 31 (PIA)—Alang sa mga mosalmot sa lumba sa dagan suhot sa mga dalan-dalan sa Alicia sa umaabut nga Febrero 24, mipahinumdom ang mga mandatory gears nga dalhon labi na naidtong modagans a 30 kilometros ug sa 10 ka kilometros.

Matud pa sa mga tigpasiugda, gikinahanglan nga ikapakita sa mga mosalmot sa dagan Dungan sa pagpatim-aw niya didto sa pag check in, ang mga gikinahanglan nga dalhon sa pagdagan.

Lakip sa mga mandatory gear ang headlamp o flashlight alang sa mosalmut sa 30 kms, ug kini ninahanglang may igo nga baterya, mosiga ug dili tandugon og magpatay-patay. 

Ang lumba magsugod sa medyo ngitngit pa ug mosuhot sa mga kasagbutan, mao nga mas mayo alang sa luwas nga pagdagan ang may bitbit nga suga.

Bisan kon may mga water stations nga ipahimutang sa mga agi-an sa lumba, gikinahanglan pa gihapon ga ang matag moapil, may dala nga hydration bag, o, hydration belt, ug water bottle nga may sulod nga labing nemos usa  ka litro nga tubig. 

Ang mga water stations, may ipanghatag nga tubig, apag walay baso plastic ang gamiton didto, mao nga mas mayo kon may sudlanan ang mingsalmot aron makapundo siya og tubig taman sa sunod na usab nga water station, segun pa sa mga tigpasiugda. 

Gikinahanglan usab nga may bitbit nga pito, alang sa higayon nga may aksidente nga mahitabo, o masaag, mas sayon rang tuoron.

Bisan kon may mga gipangbutang nga timan-anan aron saytun rang subayon ang trails, daghan pa gihapon ang malinga ug mahimong madakin-as, masagipot ug madagma nga nagkinahanglan na og rescue, ang pito makataban alang niini.

Magdala usab og selpon nga nakasave na ang numero sa race director alang sa posibilidad nga magkinahanglan og extraction gikan sa race course.

Alin nga dili mahimong kalimtan sa mga mingsalmot sa lumba sa dagan mao ang trail food: chocolates, energy bars, mixed nuts, pan, crackers ug energy gels, o bisan unsa nga pagkaon nga gituohang makatabang nga makahuman ang mingsalmot o makaabut sa sunod nga adi station. 

Gawas amga nahisgutan nga gikinahanglan, gisugyot usab alang sa mosalmot nga magdala og basic first aid kit nga may tambaw sa samad, baa tug antiseptic.

Sa possible nga kainit sa adlaw, mayo usab nga ideya ang paggamit og kalo, o tabun sa ulo, sunshades, ug mga arm sleeves kay usahay, hait ang mga bugang nga agi-an.

Aron kalikayan ang pagpanghupak tungod sa sunburn, makatabang ang sunscreen lotion, gwantis ug trekking poles o sungkod.

Dugang pa sa mga tigpasiugda, ang matag mandatory item nga dili mapakita sa sumasalmot, us aka oras nga penalty ang silot alang sa runner, u gang tanan nga mandatory gear susihon sa mga race marshals nga naa sa mga dalandalan. (rahc/PIA_7/Bohol)

AYAW SIPYATA. Hydration bag, flashlight, selpon, pagkaon ug pito. Matag usa nga wala niini, usa ka oras ang ipuno sa imong best time, mao nga ayaw gyud kalimti, aghat sa mga tipasiugda sa TAPP Trail Run 2019. (rahc/PIA-7/Bohol)