Alicia Ultra madayon

Na sa Abril 16, 2023

TAGBILARAN CITY, Bohol, March 22, (PIA) –Wala nay gidawat pa nga runners alang sa tulo na ka tuig nga napakgang nga Alicia Ultra Marathon alang karon’g Abril 16, 2023.

Kini kay kadtong mga narehistro na naidtong 2020 nga lumba alang sa 50KM, 25KM ug 12KM, nagpabilin nga mao lang gihapon nga naghandum nga makadagan sa labing nindot ug labing lisud nga trail run sa tibuok lalawigan sa Bohol.

Kahinumduman nga niadtong Febrero 23, 2020 pa unta ang lumba, apan sa hulga sa coronavirus disease ug sa panginahanglan nga dili una magkatapok ang mga tawo aron dili makakatag ang sakit, gisibug ang Alicia Ultra sa Abril 5, 2020.

Apan sa magkakuyaw nga COVID, gisibug na usab ang petsa sa lumba.

Sa 2021, samtang patapos na ang hulga sa COVID, naigo na usab ang Bohol sa bagyo nga Odette, ug ang piniliay sa 2022 kalakip na ang suliran sa lungsod sa kinsay matuod nga mayor ang nagpabitay pa sa lumba.

Apan, niining tuiga, sa Abril 16, 2023, ipadayon na ang lumba, segun pa sa Alicia Ultra race director nga si Richared Anania.

Ang mga lumba sa trails sa Alicia subay sa The Alicia Panoramic Park nagpasikat sa lungsod sa mapa sa turismo, butang nga buot gihapon sa lungsod nga ipadayon niining paglurang sa COVID.

Ug sa mga nagdahum nga makaapas pa sa pagparehistro, mihukom ang mga tigpasiugda nga dili na manawat sa mga bag-ong morehistro.

Kadtong mga nalista na niadtong lumba unta sa 2020 ug mapailubon nga naghuwat sa pagpahigayon og balik sa lumba, kini nga lumba, alanag na gayud kaninyo, segun pa sa mga organizers.

Ug sa pagtuo nga tungod kay nasibut ug wala madayon, pamawi-on ang mga nakabayad nag rehistro, daghan ang naglaum nga makasulod ug makasalmot sa labing lisud nga trail sa Bohol.

Apan, kinatibuk-an nga 63 lamang ka mga narehistro sa 427 ka mga managanay na unta sa 202o0 ug mibalwi sa ilang rehestro.

Busa minghukom ang mga tipasiugda nga ila na hinuon nga gitugotan ang narehitro na nga atleta sa pagbalhin ngadto sa lain ang ilang slot ug sila na ang makigsabot sa mopuli.

Hinuon, kinahanglan usab ang magpapuli nga magpahibaw sa race organizers sa ilang sabut sa pagpuli, aron mas sayon na ang paghipno sa listahan.

Kini mahimo gani nga himoon sa online p[inaagi sa ://bit.ly/3ZifS30.

Gikinahanglang idownload ang forma, pun-on sa detalye nga gipangayo ug ipadala pagbalik sa Alicia.

Niadtong 2020, may 143 ka atleta nga mingparehistro sa Lumba sa 50 kilometros: 124 niini kalalakin-an ug lain nga 29 kabuok ang babae.

Sa 180 ka atleta nga mingparehistro niadtong 2020 sa 25 kilometros 115 niini ang lalaki ug 65 ang babaye. Niining tuiga, 33 sa mga mingparehistro kaniadto ang ming-atras apan 180 pa gihapon ang mga runners.

Sa 12 kilometros nga dagan, 38 niin ang mga lalaki, 66 ang kababayen-an. (PIA-7/Bohol)

KOMBATI NA USAB. Human sa tulo ka tuig, makabalik na usab ang labing lisud ug kulbahinam nga mga lumba sa Alicia Panoramic Park, ug karong tuiga, sa Abril 16 na pohon. (PIAbohol)