Malakanyang gimanduan ang mga ahensya

sa gobyerno sa pagkonserbar sa tubig

TAGBILARAN CITY, Bohol, June 9 (PIA)--Tungod sa nag-ung-ong nga El Niño phenomenon o sa taas nga dry spell, si Presidente Ferdinand R. Marcos Jr. nimando sa tanang ahensya sa gobyerno sa higpit nga pagpatuman sa water conservation measures.

Sa Memorandum Circular No. 22, pinetsahan og Hunyo 7, 2023 ug gilagdaan ni Executive Secretary Lucas Bersamin, ang Presidente nagmando sa Water Resource Management Office (WRMO) ug sa network sa mga ahensya niini nga manguna sa pagpatuman sa mga lakang sa pagkonserba sa tubig aron malikayan ang posibleng krisis sa tubig taliwala sa ting-init sa sunod nga mga bulan.

Gimanduan usab sa Presidente ang tanang ahensya sa gobyerno, lakip ang mga korporasyon nga gipanag-iya o kontrolado sa gobyerno ug mga unibersidad ug kolehiyo sa estado sa pag-ila ug pagpatuman sa piho nga quantifiable ug attainable water conservation measures nga moresulta sa napulo ka porsyento (10%) water volume reduction sa ilang konsumo sa tubig sa unang kwarter (Enero hangtod Marso 2023).

Gimando usab sa Presidente sa Local Water Utilities Administration, National Water Resources Board, ug sa Metropolitan Water and Sewerage System, samtang ang mga private water service providers (WSPs) gimandoan, sa pagpaubos sa krisis taliwala sa ting-init sa mosunod nga mga bulan.

Nakalatid sa memorandum circular nga ang mga WSP nga gipadagan sa nasudnong gobyerno gimandoan usab, ug ang mga WSP nga gipadagan sa lokal nga gobyerno gidasig nga mahuman dayon ang ilang mga proyekto sa pagpakunhod sa non-revenue water ug pag-upgrade sa ilang mga distribution pipes. Ang mga local government units gidasig sa pagproseso sa mga hangyo sa WSPs alang sa waterworks sulod sa makatarunganong yugto sa panahon.

Si Presidente Marcos usab miingon nga ang WRMO mag-ila sa mga estratehiya ngadto sa mga lakang sa pagkonserba sa tubig ug maghatag kada kwarter og mga update sa Office of the President, pinaagi sa Office of the Executive Secretary, sa kalambuan niini. (ecb/PIA7-Bohol)

Ang Malacañang niadtong Biyernes mimando sa tanang ahensya sa nasudnong kagamhanan sa pagsiguro sa higpit nga pagpatuman sa mga lakang sa pagkonserba sa tubig aron malikayan ang kakulang sa suplay taliwala sa nag-ung-ong nga El Niño phenomenon. (PCO/PIA)