Anti-agri economic sabotage law, gilagdaan na ni PBBM

MANILA (PIA)--Gilagdaan ni Presidente Ferdinand R. Marcos Jr. niadtong Huwebes ang usa ka bag-ong balaod aron sa pagbatok sa pagpayuhot sa agrikultura, pagganansya, ug pag-hoarding, paghimo sa pagkaon nga mas barato ug dali makuha, ug paghatag og mas maayong kita sa lokal nga mga mag-uuma.

Sa usa ka seremonyas sa Palasyo sa Malacañang, gilagdaan ni Marcos ang Republic Act No. 12022 o ang Anti-Agricultural Economic Sabotage Act, atubangan sa mga miyembro sa duha ka balay sa Kongreso, mga miyembro sa Gabinete, ug ubang stakeholders sa agrikultura.

Ubos sa bag-ong balaod, ang smuggling, hoarding, profiteering, cartel ug financing niining mga krimen nga naglambigit sa mga produkto sa agrikultura ug pangisda giklasipikar nga mga buhat sa pagsabotahe sa ekonomiya ug adunay silot nga pagkabilanggo sa tibuok kinabuhi ug multa hangtod sa lima ka pilo sa kantidad sa mga produkto nga nalambigit sa krimen.

Nakita usab nga makatabang kini sa paghimo sa pagkaon nga mas dali ug barato alang sa mga Pilipino samtang nagpauswag sa mga oportunidad sa kita alang sa mga lokal nga mag-uuma ug mangingisda.

Ang Anti-Agricultural Economic Sabotage Act, usa ka prayoridad nga lakang sa administrasyong Marcos, nagbasura sa Republic Act No. 10845 o ang Anti-Agricultural Smuggling Act of 2016, nga gipulihan kini sa mas komprehensibo nga mga mekanismo aron masiguro ang mas estrikto nga pagpatuman ug mas maayong pagpatuman niini.

Sa iyang mensahe, gipasalamatan ni Marcos ang mga magbabalaod sa pagpasar sa maong lakang ug gipahimangnoan ang mga smugglers ug profiteers nga ang hustisya dali ug mahukmanon nga mogukod kanila.

“We will confront and dismantle the powerful forces that have long exploited our system for their own gain, ensuring that justice prevails and the dignity of our agricultural sector is upheld (Atong atubangon ug bungkagon ang mga gamhanang pwersa nga dugay nang nagpahimulos sa atong sistema para sa ilang kaugalingong ganansya, pagsiguro nga ang hustisya mopatigbabaw ug ang dignidad sa atong sektor sa agrikultura mapadayon),” matud pa ni Marcos.

Gidugang pa niini nga wala nay backdoors, wala nay mga shortcut, ug sigurado nga wala nay magpakabuta-bungol sa Bagong Pilipinas. (ecb/PIA7-Bohol)

Pirmado na ni Presidente Ferdinand R. Marcos Jr. ang Anti-Agricultural Economic Sabotage Act aron mapanalipdan ang mga trabaho sa mga mamumuo sa agrikultura, masiguro ang kaluwasan sa pagkaon, ug magpabiling patas ang presyo sa mga palaliton. Matud pa ni Marcos nga ang kapildihan sa Pilipinas kapin sa P3 bilyones sa agricultural smuggling sa 2023 lamang ug sa wala pay siyam ka bulan karong tuiga, kapin sa P230 milyones nga kantidad sa smuggled nga mga produkto sa agrikultura ang nasakmit. (PCO/PIA)