Provincial Tourism Council

sa Bohol, gi-reorganisar

TAGBILARAN CITY, Bohol (PIA)--Gipalig-on sa lalawigan sa Bohol ang determinasyon niini sa pagpadayon sa malungtarong turismo pinaagi sa pagtukod pag-usab sa Provincial Tourism Council (PTC).

Ang PTC nagtigom niadtong Septiyembre 24 aron atubangon ang reorganisasyon niini.

Ubos sa Executive Order No. 25, series of 2024, ang PTC gipangulohan sa gobernador, ug co-chaired sa usa ka representante sa pribadong sektor.

Ang mga co-chair mao ang Sangguniang Panlalawigan (SP) Committee on Tourism ug usa ka representante sa pribadong sektor uban sa Bohol Provincial Tourism Office (BPTO) isip secretariat.

Samtang ang Executive Board gilangkuban sa 6 ka representante sa sektor sa gobyerno ug 9 ka representante gikan sa pribadong sektor.

Gitino sa kinatibuk-ang asembliya nga ang 9 ka mga representante sa pribadong sektor naglangkob sa Bohol Association of Hotel Resorts and Restaurants, Bohol Arts and Cultural Heritage Council, Bohol Chamber of Commerce and Industry, Bohol Alliance of Travel and Tour Operators, Bohol Confederation of Tourism Transport Service Providers, Bohol Tourism Officers Association, Tour Guides, Media ug Dive Operators.

Si Gobernador Erico Aristotle Aumentado, ang PTC chair, misaad nga magpagawas siya og mga direktiba aron maaksiyonan nga mga kabalaka ug gipasiugda ang pagsunod sa mga regulasyon sa turismo sa mga paningkamot ngadto sa malungtarong turismo.

Sa miaging semana, nakigtagbo siya ni Judy Gabato, ang bag-ong Department of Tourism Central Visayas Regional Director, bahin sa pagbansay sa mga serbisyo sa turismo, ug paglakip sa akreditasyon sa tour guide, ilabi na sa mga langyaw nga businesss providers.

Importante ang PTC isip usa ka policy-making ug recommendation body alang sa mga programa, proyekto, ug aktibidad nga may kalabotan sa turismo samtang ang probinsiya nagpalig-on sa iyang pagbarog isip usa ka nag-unang destinasyon sa turismo. (ecb/PIA7-Bohol)

Ang puti nga balas sa baybayon sa Alona Beach, Panglao. Ang Bohol padayon nga gitan-aw isip usa ka sentro sa turismo ug pagbiyahe, nga nagpasigarbo sa kapin sa usa ka milyon nga mga turista nga nangabot sa miaging tuig ug nag-una sa usa ka survey sa mga lugar nga pamuhunan sa turismo. Nakaandam na kini nga maabot ang mas taas nga lebel sa pagtubo ug pag-uswag sa turismo uban ang mga pilot trails nga ilusad ubos sa Regenerative Tourism program, nga nahiuyon sa estratehikong gambalay sa pagdumala niini ug ang pagkatudlo niini isip una ug bugtong UNESCO Global Geopark sa nasud. (ecb/PIA7-Bohol)