Publiko gipahimangnuan batok sa mga indibidwal nga

nangayo og tabang pinansyal gamit ang pangalan sa DSWD-7 RD

TAGBILARAN CITY, Bohol (PIA)--Ang Department of Social Welfare and Development (DSWD) Regional Field Office 7 nipahimangno sa publiko batok sa mga indibidwal nga nangayo og tabang pinansyal gamit ang pangalan sa ilang opisyal.

Matud pa sa advisory nga gipagawas sa buhatan, naabot sa DSWD Field Office 7-Central Visayas ang mga taho nga adunay mikontak sa mga tawo nga nangayo og hinabang nga salapi sa pagpaka-aron ingnon nga si DSWD Regional Director Shalaine Marie Lucero.

Gipasidan-an sa departamento ang publiko nga dili makig-uban niining dili matinud-anon nga mga tawo nga nag-angkon nga siya ang direktor sa rehiyon.

Kun makasugat og ingon niini nga panghitabo, gitambagan sila sa pag-report sa DSWD pinaagi sa mga numero (032) 233-8785 | 233-0261 | 231-2172 o mag email sa fo7@dswd.gov.ph o magpadala og mensahe sa opisyal nga Facebook Page sa DSWD Region VII. (ECB/PIA7-Bohol)

Gipahinumdoman usab sa ahensya ang publiko sa pag-refer lamang sa mga opisyal nga channel sa ilang mga social media account alang sa lehitimong mga kasayoran. (ecb/PIA7-Bohol)