Taho sa RDC…

CV: sentro nga lokasyon

sa P6.87B nga ICT-BPM

TAGBILARAN CITY, Bohol, Sept 18 (PIA)— Padayon nga nakapakita sa ilang ka malungtaron taliwala sa mga hagit ug ang ka-anindot sa Central Visayas nga destinasyon sa business operations sa unang duha ka kwarter sa 2024.

Kini nga positibo nga hulagway, nakita diha nga nagsige pa og saka ang interes sa mga locators sa business process outsourcing sa mga bag-ong katikaran sulod sa rehiyon, usa na niini ang Tagbilaran.

Niadtong mayo, ang Philippine Economic Zones Authority (PEZA) mipadayag sa tulo ka mga dagko nga proyekto sa Information Communication Technology-Business Process Management (ICT-BPM) sa rehiyon, nga may kinatibuk-an nga ekonomikanhong bili ngadto na sa P6.87 bilyones.

Matud sa PEZA, segun sa taho sa Regional Development Council nga gipangulohan ni Gob ARico Aristotle Aumentado, kini nga mga proyekto nagpasihag lamang sa nagpadayon nga pagsalig s amga mamumuhunan sa Central Visayas isip maayong destinasyon sa ICT-BPM.

Segun pa sa RDC, ang Danao City sa Sugbo, nangandam isip mamahimong labing bag-o nga IT nga destinasyon dungan sa ilang pagplano na karon sa 30 ektaryas nga Techno-Business Park, nga makapasulbong pa sa pag-angkon sa rehiyon nga kasaligan nga ICT-BPM hub.

Sa Bohol, samtang andam na nga sugdan ang 365 ka seats nga call center sa Sagility, didto sa girefurbish nga daan nga Civil Aviation Authority of the Philippines terminal building, lain pa nga site ang gipaabut nga kasugdan na sa Innercore,a ng construction company nga maoy magtukod sa mga buildings nga mobarug sulod sa us aka ektarya nga yuta sa kagamhanang probinsyal didto sa old airport.

Segun pa sa Innercore, tumong sa Sagility nga makasugod na sa ilang operations sa Oktubre 1.

Human usab makompleto ang mga dokumento sa mga building permits ug clearances, sugdan na usab sa Innercore ang pag-ugmad sa Site-2 sa Sagility, usa ka Call center building nga may alokasyon sa 1,500 ka seats sa mga call center agents nga magtrabaho sa inadlaw ug pag-gabii nga shifts. (rahc/PIABohol)

365 KA CALL CENTER AGENTS. Andam na ang Sagility Site-1 nga okuparan aron makasugod na sila sa call center operations sunod Oktubre 1, samtang matud sa contractor nga Innercore, lain pang building ang tukoron nga igo sa 1,500 ka call center agents sugod sa sunod tuig. (PIABohol)