Bohol makasinati og kusog

hangin, bawod ni KristinePH

TAGBILARAN CITY, BOhol Oct 21 (PIA)--Gipabantay na ang mga taga Bohol sa posible nga unos-unos ug kusog nga hangin karon ug ugma, samtang misulod na ang bagyo (Tropical Depression) nga tawgon nga #KristinePH sa Philippine Area of Responsibility (PAR), ganina'ng alas 4:00 sa kaadlawon.

Ganinang alas 4:00, ang sentro niining bagyo nasiplatan nga anaa sa 1,050 km kasubangan(East) sa Southeastern Luzon (13.6°N, 133.9°E), apan gibanabana nga mokanaug parumbo sa Mindanao.

Dala sa bagyo ang labing kusog nga lahutay nga anaa sa 55 km/h duol sa sentro niini, ug may kalit-kalit nga huros nga anaa sa 70 km/h, uban sa central pressure sa 1002 hPa

Kasamtangan nga gitutukan ang rumbo niini nga kasadpan-timog kasadpan sa gikusgon nga 30 km/h.

Tungod niini, gipaglantawan nga masinati ang kusog nga hangin sa mga lugar bisan sa gawas sa sentro sa bagyo ngadto na sa 550 km gikan sa sentro niini.

Ang Tropical Cyclone Wind Signal (TCWS) diin masinati ang kusog nga hangin snaglakip sa Catanduanes ug sa Visayas, sa amihanang kasubangan (northeastern) sa Northern Samar (Laoang, Palapag, Mapanas, Gamay, Catubig, Lapinig) ug the sa amihanang kasubangan sa (northeastern) Eastern Samar (Jipapad, Arteche, San Policarpo, Oras) sulod sa 36 ka oras.

Dinhi masinati ang 39 ngadto sa 61 km/h (Beaufort 6 to 7) nga hangin nga maka-ingon sa kadaut kon dili makapangandam ang mga komunidad.

Gani, lakip na ang BOHOL nga gipahibaw sa PAG-ASA sa mapakusog nga hangin nga magdalag unos, ug mga bawod sugod karon hangtud ugma.

Gawas sa hangin, segun sa pahibaw nga gipagawas sa PAG-ASA, ganinang alas 5 sa buntag, nga ang bagyo nga si KristinePH magdala og mga unos sa mosunod nga mga lugar karong adlawa: (21 October): timog nga bahin sa (southern) Palawan, Siquijor, Bohol, Zamboanga Peninsula, Northern Mindanao, Dinagat Islands, Surigao del Norte, Agudan del Norte, BARMM, Sarangani, Davao del Sur, ug Davao Oriental.

Ugma, masinati ang susamang kakuyaw ugma, Oct 22 sa Palawan, Romblon, Aklan, Antique, Negros Island Region, Bohol, Zamboanga del Norte, Northern Mindanao, Southern Leyte, Dinagat Islands, Surigao del Norte, Agusan del Norte, Sarangani, Davao del Sur, ug Davao Oriental.

Sa Mierkoles pohon, gibaharan na ang mga komunidad sa MIMAROPA, Visayas, ug Mindanao nga mangandam usab. (PIABohol)