PMMA exams karong

Sabado, Oktubre 26

TAGBILARAN CITY, Bohol, Oct 21 (PIA)—Himoon na usab ang tinuig nga entrance examination alang sa 2024 Philippine Merchant Marine Academy alang sa Class 2029, kini maoy kasayuran nga gikan mismo sa usa ka active student sa PMMA nga si M3Class Gracelina Fuentes

Ang PMMA mag duha na ka siglo nga nangunang institusyon nga nagtanyag og kurso sa kolehiyo kabahin sa maritime nga mga gimbuhaton ug nakapagradwar na sa mga labing gitahud nga Pinoy nga opisyal sa merchant marines nga nangalagad sa mga industriya nga may kalabutan sa maritime sector.

Samtang gikatakda nga sa matag ika upat ka Sabado sa Oktubre ang admission examinations, kini mahitabo karon na nga Oktubre 26, Sabado gikan sa alas 8:00 sa buntag ngadto sa alas 12:00 sa udto didto sa Dr Cecilio Putong National High School

Ang matang sa examinations, pulos objective type ug maglakip sa tanan nga subjects sa high school: English (Vocabulary, Grammar, Analogy, Reading Comprehension), Mathematics (Algebra, Geometry, Statistics ug Trigonometry), Science (General Science, Chemistry and Physics) ug Abstract Reasoning.

Kahinumduman nga pag-aplay sa PMMA, ang matag aplikante moduso una sa ilang mga kwalipekasyon nga aprobahan unsa sa PMMC aron makakuha na kini og exam permit ang tag-iya, permit nga makuha usab gikan sa email gikan sa PMMA.

Pahinumdom sa PMMA, gikinahanglan nga ang mga aplikante anaa na sa testing site usa ka oras sa dili pa magsugod ang exams, dala ang test permits nga may 2x2 pictures, may valid ID ug lapis nga Mongol No 2, suot ang casual nga bisti (walay shorts, sleeveless ug tsinelas).

Karong sunod Sabado, ang testing mahitabo usab nga dungan sa 34 ka testing centers nga nagkatag sa tribuok nasud, matud sa PMMA.

Apan, dugang sa pahibawo, modawat gihapon sila sa walk-in

Ang testing enters, makit-an dinhi nga link. : see https://pmma.edu.ph/pmma-testing-centers/ for full list of testing centers

Alang sa mga aplikante nga nagkalisud sa pagsulod sa website aron makuha ang test permits, pwede na nga mo walk-in na lamang sa exams centers.

Alang sa dugang kasayuran, kontaka ang 𝗣𝗠𝗠𝗔 𝗔𝗱𝗺𝗶𝘀𝘀𝗶𝗼𝗻𝘀 𝗢𝗳𝗳𝗶𝗰𝗲 pinaagi sa email: 𝗮𝗱𝗺𝗶𝘀𝘀𝗶𝗼𝗻𝘀@𝗽𝗺𝗺𝗮.𝗲𝗱𝘂.𝗽𝗵 o tawag sa (𝟬𝟰𝟳) 𝟵𝟭𝟯 𝟮𝟮𝟯𝟵 o (𝟬𝟰𝟳) 𝟵𝟭𝟯 𝟰𝟯𝟵𝟲 loc 𝟭𝟲𝟲. (PIABohol)