BFAR magdala sa FishCoRE

Talakayan sa Anda, Nob 6

TAGBILARAN CITY, Bohol, Oct 30 (PIA)— Himoon sa Bureau of Fisheries and Aquatic Resources (BFAR) ang sunod-sunod nga caravan alang sa pagpakatap sa kasayuran sulod sa mga lugar nga ipatuman ang proyekto nga Fisheries and Coastal Resiliency (FishCoRe) sa Fisheries Management Area-9 dinhi sa Bohol.

Ang FishCoRE pito ka tuig nga proyekto nga gipundohan sa World Bank agi og pagsuporta sa kaugmaran ug pagpatuman sa haumk nga mga polisiya sa pagdumala sa panagat aron mapadaghan ang kuha, mapalig-on ang marine ecosystems ug mga komunidad pinaagi sa pagsagop sa ecosystems approach alang sa padgumala sa pangisdaan.

Sa ilang information caravan nga gitawag og FishCoRe Talakayan, ang BFAR National Project Management Office mismo ang manguna sa pagbukas sa bantawan aron mapabati ang tumong sa proyekto ug makakuha ug suporta alang niini.

Ug sanglit ang Region 7 usa sa mga pilot areas, dalhon sa BFAR NPMO ang FishCoRe Talakayan sa Bohol Parklane sa Candabong Anda, alang niining katuyuan, sa umaabut Nobyembre 6.

Ang FishCoRE mogamit sa tulo ka hut-ong sa mga interbensyon arin pagkab-ut sa ilang mga tumong: ang Fish Coastal Resources Management nga magsuporta sa pagorganisa ug ug pagplano sa kaugmaran sa fisheries management area alang sa mga kabaybayonan ug municipal waters sa FMA 6 and FMA 9, sa tuyo nga isagad ang pagkuha sa maayong benepisyo ecological ug socioeconomic sa gihimo nga resilience sa mga komunidad dinhi.

Ikaduha ang MARLIN, nga nagtumong sa pagpadaghan sa ekonomikanhing bili sa pangisdaan ug aquaculture ngadto sa mga nangisda, pinaagi sa stratehikanhon ug climate-resilient nga pamuhunan aron kubsan ang masayang sa kuha, palapdan ang pagpang fishcage ug hatagag dugang bili ang pangisdaan.

Ikatulo na ang SUPRIM nga maoy magdumala sa kinatbuk-ang pagdumala sa proyeko ug koordinasyon. Kini magsuprta sa BFAR gikan sa central office ngadto sa mga regional field offices pinaagi sa NPMO, Regional Project Implementation Units (RPIUs) sa Fisheries Management Areas (FMAs), ug sa Regional FMA Coordinating Units (RFCUs). (PIABohol)

PAGDAWAT SA KOMUNIDAD. Sa pito ka tuig nga FishCoRe Project, importante nga kini may pagdawat sa kominidad, kinsa mao na usab ang magdumala sa ilang kahinguhaan sa kabaybayonan ug municipal waters aron ikapaneguro ang seguridad sa pagkaon. (PIABohol/BFAR)