SP ming-agni sa mga lungsod

Paghatag honorarium sa BALA

TAGBILARAN CITY, Bohol, March 17 (PIA)—Pinaagi sa Sangguniang Panlalawigan, gitak-ang na ang rsolusyon nga mag-agni sa mga local nga mga kagamhanan sa paghatag of dugang nga honorarium sa mga naboluntaryong sakop sa Barangay Live Stock Aides (BALA).

Ang mga BALA maoy kaabag sa mga namuhi og mga hayopan diha sa mga barangay kay sila ang nabansay sa kagamhanan nga maoy magsilbi nga mga quasi-veterinarians nga maghatag sa mga pamaagi sa pagdumala sa mga hayopan, sa pagpugong sa mga sakit niini ug sa pag-alima aron kini magpabiling himsog ug mahimong kapangawartahan sa tag-iya niini.

Natukod pila na ka tuig ang milabay aron kahulipan ang kakuwangon sa mga beterinaryo dinhi sa Bohol, ang mga sakop sa BALA matud pa ni Office of the Provincial Veterinarian (OPV) Production Division Head Aida R. Sumampong, ang kagamhanang probinsyal naghatagan og tag P300 ang buwan nga honorarium sa mga BALA.

Segun sa OPV, sa kalapuy sa trabaho nga gihimo sa mga BALA, sa 29 lamang sa 48 ka lungsod sa Bohol nga ang mga sakop sa BALA, gihatagan og pahinungod nga pinansyal nga tabang.

Dugang sa OPV, ang lungsod sa Talibon ang naghatag sa labing daku nga honorarium sa BALA sa tag P2,500 matag sakop matag buwan.

May mga kalungsuran na usab nga nakabati sa kalisud ug ka mahinungdanon nga trabaho sa mga BALA nga nagahatag kini og tag P1,000 matag sakop matag buwan.

Kini ang mga lungsod sa Panglao, Anda, Jagna.

Hinuon, may mga kalungsuran nga naghatagan na og binuwan nga honorarium sa mga sakop sa BALA, ug duna usab nga lungsod nga, sa pag-abag sa Kapitolyo, manghatag og bonus ngadto sa mga sakop sa BALA matag Pasko, o abag panginabuhian alang sa mga sakop niini.

Napulo og wala pa usab ka lungsod ang wala maghatagan og dugang honorarium sa mga boluntaryo sa pag-hatag og pag-atiman sa mga hayupan sa mga kalungsuran.

Matud sa Kapitolyo, kay ang matang sa serbisyo sa BALA, boluntaryo man, ang paghatag kanila og honorarium magsilbi nga pag-ila sa ilang mga mahinungdanon nga tampo sa local nga sector sa panguma, isip mga tulay sa komunidad ug sa tabang nga ikahatag sa goberno.

Tungod sa paghatag sa dtutay nga honorarium, unta madasig pa ang mga BALA sa paghimo sa ilang mga ginbuhaton ug magpalig-on sa ilang mga panaad sa pagpalig-on sa panghayupan sa Bohol.

Subay niini, ang Sangguniang panlalawigan Committee on Agriculture nagrekomendar sa pagpasupot sa resolusyon sa pag-aghat sa mga kalungsuran nga magpundo og alang sa honorarium sa mga BALA.

Matud sa Komitiba ang paghatag og tabang financial isip honorarium sa mga BALAs makatabangs a pagpalig-on sa pagdumala sa panghayupan, pagpugong sa pagtakod sa sakit, pagpadaghan sa abut sa panghayupan ug kon galling mamahimong institusyon na ang tabangs a mga kalungsuran, mas dali sa mga LGUS ang pagpatunhay sa kapektibo sa mga programa sa panhayupan. (RAHC7/PIA)

BOLUNTARYONG MURAG BETERINARYO. Ang mga BALA nga gibansay sa pag-atiman sa mga hayupan, pagpangpurga ug pagpangkapon niini, nagtrabaho nga pulos boluntaryo ug may P300 ang buwan lamang nga abag sa Kapitolyo. Buot karon sa SP, nga ang mga kalungsuran maghatag na og dugang pahinungod sa kahagu sa mga BALA. (PIABohol)