Bangga sa labing hawod nga

gibansay sa TESDA, gihimo

TAGBILARAN CITY, Bohol (PIA)—Nagkatapok na usab ang mga labing maayo, labing batid ug labing paspas nga mga scholars sa Technical Education and Skills Development Authority (TESDA) alang sa 2026 Provincial Skils Olympics nga mahitabo sa sunod nga tulo adlaw diha sa Saulog Gymn sa Tagbilaran, Bohol International Learning College ug sa Provincial Training Center didto sa Inabanga.

Bag-o lamang nga nakapadayag sa katakus sa iyang pagbansay, diha nga usa ka cookery scholar sa TESDA ang nakaangkon sa silver medal, diha nga siya ang nahimong representante sa cookery alang sa Bohol.

Scholar sa TESA didto sa Provincial Training Center sa TESDA Tubigon, si Mia Hermosura nga taga Pilar, mipakayab sa garbo sa bansay bansay sa cookery dinhi sa Bohol dihang mingdaug didto sa Association of Seouth East Asian Nations Cookfest.

Tinuig nga bangga sa mga nabansay sa TESDA ug kaanib niining mga technical vocational institutions (TVI), ang Provincial Skills Olympics magsukod sa antas sa kalidad sa training sa nasud ug kon kini motumbas ba usab sa kalidad sa mga trabahante sa tibuok Pipilinas, sa Asya ug sa tibuok kalibutan.

Matud ni TESDA Bohol Provincial Director Floro Ringca, dinhi sa Bohol, walo ka mga kurso nga gibansay ang himoan sa kompetisyon aron mailhan ang labing maayo nga contestant nga mao usab ang ibangga sa Bohol ngadto sa Regional ug national skills competitions.

Kini nga mga bansay sa mga trade areas nga sutaon pinaagi sa mga estudyante niini, mao ang cookery, bakery, restaurant services, electrical installation, welding, information technology infrastructure, IT Network system administration, ug fashion technology, dugang ni Ringca.

Ang mga contestant niiinig mga nahinganlan nga trade areas, dili magcontest batok sa usag-usa nga gipadala sa ilang mga nagkadaiyang TVI nga girepresentahan, kon dili ilhon kong hangtud asa ang ilang naabut nga kahibalo, subay sa global standards.

Nunot niini, giawhag ni Ringca ang mga Bol-anon nga mosaksi sa mga kompetisyon nga mahitabo sa Saulog Gym, sa Bohol International learning College sa Dela Paz Cortes ug sa Provincial Trainig Center Sa Inabanga sa sunod nga tulo ka adlaw. (PIABohol)

BREAD AND PASTRY. Usa sa mga potensyal nga abilidad nga makat-onan ug adunay daku nga posibilidad sa pagkatrabaho ilabi na sa industriya sa turismo, bansay nga giseguro usab sa TVIs aron mapun-an ang mga lumilihok nga makapadagan sa industriya. (PIAbohol)