Bansay sa pagsuwat sa kasaysayan 

Himoon sa Bohol Mayo 31-Hunyo 1 

Rey Anthony Chiu 

TAGBILARAN CITY, Bohol, Marso 21, 2012 (PIA) -- Gilauman nga pormal na nga mahinayhinayag ka hipno ang sinuwat nga mga kasaysayan sa Bohol, kini human makuha sa mga Bol-anong magsusuwat ang usa ka bansaybansay sa Local Hostory Writing nga gitakda sa Mayo31 ngadto sa Hunyo 1. 

Hinuon, gitumbok nga ang mahimong mo-apil sa bansaybansay kadtong mga nalambigit na sa pagsuwat sa local nga kasaysayan ug pagpatik sa mga makasaysayanong dokumento, kadong dunay interes nga makat-on ug bansayon, may laraw nga maghimo ug scholarly research ug kinahanglang i-endorso sa mga Mayor ug hepe sa mga buhatan. 

Matud ni Dr. Gloria Casabal sa University of Bohol Community Development Foundation, ang bansay-bansay lakip sa nakita sa UB Research and Planning Office nga makahatag og katakus sa ilang nga ka-abag sa research ug development. 

Tumong sa bansaybansay ang magahatag og scholarly nga suporta sa paghimog local research, pasabot niya ngadto sa mga mayor nga nagkatigum sa Jjs seafoods atul sa ilang binuwan nga tapok sa imaging semana. 

Gipunduhan sa National Commission on Culture and the Arts, inabangan sa Kapitolyo Probinsyal sa Bohol pinaagi sa center for Culture and the Arts Development (CCAD) niini, ang bansaybansay magatapok sa local nga mga historians ug mga academicians kinsa nalambigit sa pagsuwat sa kasaysayan ilabi na sa mga kalungsuran o sa lalawigan sa Bohol. 

Mamahimong mga mentors sa bansaybansay mao ang mga batikang historians sa nasud kinsa gilauman usab nga mopadayag sa ilang mga labing bag-ong buhat, sumala ni Dr. Casabal. 

Lakip sa hanay sa mga speakers sa bansay-bansay mao sila History professor Emmanuel Luis Romanillos sa UP, Dr. Jes B. Tirol sa UB, Dr. Erlinda Alburo sa NCCA Historical Research, Professor Rene Alburo sa USC Cebu, Professor Earl Jude Cleope sa Silliman University ug Professor Carlos Magtulis sa Silliman University. 

Gawas pa, bout sa mga tigpasiugda nga amg mga mosalmot sa bansay makabaton sa kinatibuk-ang panglantaw sa historiography sa usa ka lugar, magtumbok sa mga lugar o hisgutanan nga angayan pang tun-an, magtanyag sa katakus sa pagsuwat sa kasaysayan ug sa pagtumbok sa mga labing gikinahanglang research nga may labing dakong ikatampo human sa workshop. (30) 

==============

Kursong pangkultura sa Ateneo 

Itanyag sa 3-semana sa Bohol 

Rey Anthony H. Chiu 

TAGBILARAN CITY, Bohol, Marso 21 (PIA) –Usa ka 3 ka semanang sut-sot nga programa sa Ateneo Cultural Laboratory (ACL) ang itanyag alang niadtong may interes sa pagtuon sa kulturang Pilipinhon karong sunod buwan dinhi sa Bohol. 

Ang ACL nga modangat sa Bohol sugod sa Abril 17 ngadto sa Mayo 9 paga-ilhon sa espesyal nga ngalan’g The Bohol Quartet. 

Kini tungod sa upat ka local nga kagamhanan sa kalungsuran ang nakig tambayayong aron mapatuman kini. 

Gitanyag ang ACL sa pagpaningkamot sa Alburquerque, Baclayon, Loay ug Loboc. 

Pinaagi usab sa Center for Culture and Arts Development (CCAD), buhatan sa Gobernador sa Kapitolyo, ang Bohol Quartet dumalahon sa Ateneo de Manila University School of Social sciences, Department of Sociology and Anthropology Institute of Philippine Culture. 

Segun sa mga tinubdan, tumong sa programa ang paghatag sa mga magtutuon niini sa epektibong paagi sa pagkat-on sa mga konsepto sa social sciences ug sa mga pamaagi sa pagresearch. 

Dugay na nga buot sa mga tinugyanan ang paghimo sa sa pagpatuman sa mga nakat-onan sa mga research, ug kini nga programa magtanyag sa mga magtutuon nga mosalmot sa paghimog research. 

Misalig ang mga tigpasiugda nga ang research mao nay saligang tubod aron magamit agi og pagtubag sa mga panginahanglang pangkaugmaran sa katilingban sa kalungsuran. 

Ang kurso magatuki sa mga matang sa kulturanhong kapanulundan, mga hisgutanan sa pagpanalipod sa kapanulundan ug kabilin, pamaagi sa pagresearch, ug sa paghimog mga documentation sa nasandang kulturanhong kabilin. 

Lakbitan na usab sa programa ang paghimog tour scripts, learning kits ug ang pagduso sa mga kulturanhong produkto nagdto sa mga turista. 

Apan ang labaw nga tumong niini mao ang paghiusa sa kulturanhong pagplano ug sa local nga laraw sa pag-ugmad nga magasukad sa mga tinugyanan sa mga munisipyo. (30)