BFP mapasalamaton sa 

Volunteer fire brigades 

Rey Anthony Chiu 

TAGBILARAN CITY, Bohol, Marso 19, 2012 (PIA) –Mapasalamaton ang mga tinugyanan sa Bureau of Fire Protection (BFP) sa Bohol sa dako nga tabang sa junior fire brigades nga namugna sa Bohol. 

Sa kasamtangang 21 lang sa 47 ka lungsod ang dunay estasyon sa bombero ug sa kadali sa pagkuyanap sa kalayo, si Bohol Fire Marshal Pepe Rebusa mibutyag nga mas lisud ang ilang gimbuhaton kon wala ang junior fire brigades. 

Ang gipasabot ni Rebusa nga junior fire brigades, o mas ilado sa ngalang volunteer fire brigades mao ang supplementation sa mga boluntaryong bombero sa Alturas Group of Companies, Bohol Quality Corporation, Philippine Mining Sinter Corporation ug sa mga water tankers sa, Lite Shipping, Jorge Lim, Lugod water ug Toms. 

Sa Bohol, diin dyutay ra ang mga lungsod nga dunay andam nga bombero ug tubig igpatay sa sunog, si Rebusa padayong miaghat sa mga katawhan sa pag-ampinga ron kalikayan ang sunog, dungan sa paghandum sa pagpugong sa sunog. 

Matud niya, kritikal sa sunog ang unang singko nagdto sa 10 minutos ug kon dili madali ang kalayo, hayan makakatay na kini ug lisud nang sumpo-on, pasabot ni Rebusa. 

Ug kon isipon ang panahon nga gikinahanglan alang sa usa ka bombero nga latason ang distansya gikan sa iyang estasyon nagdto sa gikasunogan, mahimong wala nay maabtan pang dali-on ang mga bombero. 

Kini bisan pa kon nahimo na sa BFP ang pagcluster sa mga estasyonan sa bombero kinsa maoy angayan nga unang moresponde sa alarma sa sunog sa ilang tagsa-tagsa ka lugar. 

Gawas pa, usahay dili ka-igo ang tubig nga kargada sa usa ka sakyanan sa bombero, mao nga mas dako ang gimbuhaton nga gihulipan sa mga volunteer fire brigades ilabi na kay sila duna usab mga ekipo ug mga tanke nga magamit kon may panginahanglan sa sunog. 

Kasagaran sa mga sakyanan sa bombero nga karon nakuptan sa mga lungsod sa Bohol dyutay ra ang tubig nga makarga, hinungdan nga napataas ang suliran sa malahutayon nga pagkombate batok sa sunog. (30) 

===========

Kapitolyo nang-agni alang sa 

sumasalmot sa “Boholympics” 

Rey Anthony Chiu 

TAGBILARAN CITY, Bohol, Marso 19, 2012 (PIA) – Sa tumong nga kaplagon ang labing haum nga atletang Bol-anon aron ikasangka sa mga labing mayo sa nasud, gikampanya sa Bohol ang pagsalmot sa kalungsuran sa labing unang Boholympics nga mahitabo sa sunod buwan. 

Namatikdan nga pipila lang sa mga lalawigan sa nasud ang may kaugalingng line-up alang sa mga atletang ni-agi sa tukmang bansaybansay ug mamahimong ikaparang alang sa nasudnong bangga. 

Gani, matud sa mga tinubdan, manggawas lamang ang pundo pahat alang sa programa sa sports kon dunay nagsingabot nga kompetisyon. 

Niini, tagsa ra ang mga ungsod makapadala sa atletang de-kalidad tungod sa kasagaran taphaw nga mga bansay-bansay. 

Tungiod niini, mismo sa Provincial Administrator Alfonso Damalerio, kinsa maoy mi-aghat alang sa Kapitolyo, ang mi-hangyo sa mga mayor sa pagpadalag mga susasalmot sa liga sa paugnat sa kusog nga mahitabo sa CPG sports Complex sa Abril 19-22. 

Atul sa League of Municipalities of the Philippines (LMP) meeting sa miabayng semana, si Damalerio mibutyag nga tesm ug individual sports man ang apilan, may mga makadani nga premyo ang mapaabot sa atletang mananaug. 

Matud pa usab ni Damalerio, ang liga pagatambungan sa mga tinugyanan sa Philippine Sports Commission (PSC), National Sports Authority ug mga batikang tinugyanan, trainors ug coaches sa mga duwang gisamot sa nasudnong bangga pohon. 

Gibutyag usab ni Damalerio nga bukas sa mga magduduwa nga amateur ug propesyonal nga nagpanuigon og 15 ngadto sa 22 anyos kinsa tinud-anay nga may katakus sa ilang mga natad sa duwa. 

Segun sa regulasyon sa liga, ipaseguro amang nga makapresentar ang lungsod nga maoy opisyal nga mopadala sa mga sumasalmot sa ilang tagsa-tagsa ka residence certificates ug kamatuoran kabahin sa edad aron mas mapadali ang pagproseso sa entry. (30)