Cabinet cluster meeting kalabot sa mining policy, gitakda sa Biyernes TAGBILARAN CITY, Bohol, Mar. 07 (PIA)--Gitakdang magpulong ang economic team ug Climate Change Commission sa Biyernes kalabot sa gi-umol nga bag-ong mining policy sa nasud. Matud pa ni Presidential Spokesman Edwin Lacierda, mahinungdanon nga magpulong ang duha ka grupo aron maplantsa ang executive order sa bag-ong polisiya sa pagmina. Sigun pa kang Lacierda, nasaksihan nila ang mining forum ning bag-o lamang diin mi ulbo ang panaglalis sa mga anti ug pro-mining groups mao nga gikinahanglan na gayud ang maong  joint meeting sa Malacañang. Giingong katuyoan sa maong meeting nga matubag ang tanang mga concerns tungod kay ang duha ka Cabinet clusters man ang adunay kalabotan sa isyu mahitungod sa ekonomiya ug kalikopan. (PIA-Bohol/ecb) ________________________ DOLE adunay tanyag nga 1 milyong trabaho TAGBILARAN CITY, Bohol, Mar. 07 (PIA)--Gibanabanang kapin sa 1 ka milyon ang posibleng mahatagan og trabaho sa pagsugod sa Community-based Employment Program (CBEP) sa Department of Labor and Employment (DOLE). Ubos niining maong programa, gitakdang makahatag og trabaho sa mga unemployed ang 29 ka ahensiya sa gobyerno, pinaagi sa job-generating projects. Ang mga ahensiya sa gobyerno nag-apil sa Departments of Agrarian Reform, Agriculture, Education, Energy, Health, Environment and Natural Resources, Interior and Local Governments, Public Works and Highways, Social Welfare and Development, Transportation and Communications, Justice, National Defense, Science and Technology, Trade and Industry, Labor and Employment, ug Office of the Presidential Adviser on the Peace Process. Apil sa mga proyekto ang pagpatukod og imprastukra sama sa building, dalan, ug tulay. Pipila sa mga trabahong gitanyag sa maong proyekto ang heavy equipment operators, welders, steel men, engineers, ug field researchers. Apan ang maong mga trabaho contractual lamang ug dili permanente. Makadawat og suweldo gikan minimum wage pataas ang mga empleyado, depende sa trabaho. Gigahinan og P263 Bilyon ang mga government agencies gikan sa General Appropriations Act alang niining maong programa.  Matud pa sa DOLE, mahimong mobisita sa mga duol nga buhatan sa Public Employment Service Office (PESO) ang mga interesadong mo-apply. (PIA-Bohol/ecb)