POEA mipasidaan batok sa peke nga job offer sa e-mail TAGBILARAN CITY, Bohol, Mar. 13 (PIA)--Mipasidaan ang Philippine Overseas Employment Agency (POEA) sa mga nangita og trabaho sa gawas sa nasud nga magbantay sa pagdawat og tanyag nga trabaho nga gipadala pinaagi sa "electronic mail (e-mail)" nga giingong gikan sa mga internasyunal nga kumpanya. "When you post your resume to a job search site, you are opening your personal data to potential employers, and even scammers, so be careful," pasidaan ni POEA Administrator Hans Leo Cacdac.   Matud pa nga ang usa ka e-mail nga nag-congratulate dayon sa usa ka aplikante nga nadawat sa usa ka trabaho nga wala gi-aplayan niini mahimong usa ka "recruitment scam" mao nga angayang mag-amping ug magbantay ang mga aplikante niini.   Apil sa mga e-mail nga gipadala ang saad nga trabaho sa mga tambalanan o sa mga caregiving offices sa Canada ug Estados Unidos nga halos walay galastohan gawas lamang sa pagabayarang mga "medical tests" ug "interview coaching".   Usa sa mga scam nga nadiskubre sa POEA ang paggamit sa usa ka grupo sa Fraser Health sa Canada.  Sa dihang giberepika kini, gihimakak sa maong kumpanya nga nagpadala sila og e-mails aron mang-recruit og mga nurses.  Migamit ang bogus nga grupo sa e-mail accounts nga hushmail.com. (PIA-Bohol/ecb)   ___________________________   Gitakdang nationwide transport strike karong Huwebes, gipangandaman sa gobyerno   TAGBILARAN CITY, Bohol, Mar. 12 (PIA)--Padayon ang himuong lihok-protesta sa mga militanteng transport group karong Huwebes.   Matud pa ni Goerge San Mateo, national President sa PISTON, ang halapad nga Peoples Protest nga himuon sa ilang bahan sa Huwebes paga-ubanan sa mga miyembro gikan sa mga grupong Gabriela, Courage, Kilusang Mayo Uno, Bayan Muna, Anakbayan ug uban pa aron mapakita kang Presidente Benigno "Noynoy" Aquino ang ilang pagbatok sa buwis sa lana ug sa nahitabo karong overpricing sa presyo sa mga produktong petrolyo.   Apan gipahibalo ni Deputy Presidential Spokesperson Abigail Valte karong buntag nga walay angay ikabalaka ang publiko tungod kay manghatag og libreng-sakay ang gobyerno alang  sa mga apektadong comuters.   Matud pa ni Valte, nanghinaut na lamang sila nga ikonsiderar sa mga transport groups ang kaayohan sa mga manakayay ug ikonsiderar usab ang ilang gi-planong lihok-protesta.   Samtang isip tubag sa pagsaka sa presyo sa lana, gipahayag ni Valte nga nagpadayon pa ang reloading sa mga smartcards alang pantawid pasada.   Giingong ang pantawid pasada kasamtangang solusyon lamang samtang gihimuan pa og long-term solution ang maong problema. (PIA-Bohol/ecb)