Bag-ong polisiya nga motapos sa

‘endo’, gipagawas na sa DOLE

MANILA, December 29 (PIA)-- Gilagdaan na ni Department of Labor and Employment (DOLE) Kalihim Silvestre Bello III ang bag-ong DOLE Department Order nga magtapos na sa ang sistema sa “endo” o end-of-contract.

Nakalatid sa maong Department Order nga dili na mahimo ang endo sa mga kooperatiba ug manpower agencies.

Base sa bag-ong polisiya, dili na tugotan ang pag-terminate sa serbisyo sa usa ka trabahante human sa iyang service agreement sa kumpanya.

Tungod niini, gipaabot ni Bello nga daghan nang trabahante ang ma-regular ug taposon na usab ang mga illegal contractual employment.

Aron masiguro nga mga legitimate contractors lamang ang makahimo sa mga contracting arrangement, gisaka sa DOLE ngadto sa P5 milyon ang capital requirement gikan sa kanhi P3 ka milyon lang.

Nakalatid usab sa maong kamandunan sa DOLE nga angay dili mawad-an ang contractor og working capital requirement nga kapareho sa 50 porsiyento sa kinatibuk-ang suholan sa mga trabahante aron maseguro nga may ipangbayad kini kun magka-problema sa koleksiyon.

Gimanduan usab ang mga contractor sa paghatag og financial assistance sa mga empleyado nga maghulat og bag-ong assignment og hangtud tulo ka buwan. (ecb/PIA7-Bohol)