DENR, migahin og P44-M alang sa pagpa-

nanom og bakhaw ug kawayan sa Bohol 

TAGBILARAN CITY, December 13 (PIA)--Si Department of Environment and Natural Resources (DENR) Kalihim Gina Lopez migahin og P44.2 milyong pondo alang sa tree-planting program nga e-implementar sa nagkalain-laing lungsod sa lalawigan sa Bohol.

Matud pa ni DENR provincial environment officer Nestor Canda, P36.2 milyon ug P7.9 milyon ang gigahin alang sa pagpananom ug bakhaw ug kawayan.

Ang mga binhi sa bakhaw ipakatap sa 1,500 ektarya nga yuta samtang ang mga punuan sa kawayan ipananom sa kinatibuk-ang 500 ektarya.

Si Canda nagkanayon nga ang mga bakhaw ipananom sa mga lungsod sa Buenavista, Getafe, Talibon, ug Bien Unido samtang ang mga punuan sa kawayan ipananom sa mga lungsod nga nalakip sa Carood Watershed nga mao ang mga lungsod sa Ubay, Alicia, Mabini, Candijay, Pilar, Guindulman ug Anda.

Gidugang usab ni Canda nga 46 ka people’s organizations ang gipaabot nga motabang sa pagpananom sa liboan ka bakhaw ug kawayan.

Matud pa nga si Kalihim Lopez nipatugbaw sa panginahanglan sa suplay sa kawayan sa lalawigan human kini nipahigayon og aerial inspection sa tibuok Bohol niadtong nibisita kini dinhi sa lalwigan niadtong niaging bulan.

Giingong gi-andam na ang proposal alang niining alokasyon ug naghulat na lamang kini sa pormal nga approval ni Lopez. (PIA-Bohol/ecb)