Bohol naa sa ika 2 nga dapit 

Sa nagpadayon nga CVRAA

TAGBILARAN CITY, February 14 (PIA)—Human sa pagbukas sa Central Visayas Regional Athletic Association (CVRAA), nakutlo na sa Bohol ang ika duha nga dapit human madughit sa bahan ang napulo ka medalyang bulawan, 7 ka medalyang plata ug 17 ka bronse nga medalya. 

Segun sa kasayuran nga gipadangat sa Information Officer sa Department of education Bohol Division, Lope Hubac, nag-usa sa Bohol ang Syudad sa Sugbo mga may 39, 22 ug 18 ka bulawan, plata ug bronse. 

Naa usab sa duol nga ikatulong dapit ang Cebu province nga may 9 ka bulawan, 8 ka plata ug 8 ka bronse.

Sa hanay sa mga nakakuhag medalya nga bulawan, nag-una ang Cebu City sa 39, Bohol as 10, Cebu Province 9, Lapulapu City 6, Danao City 4, Mandaue City, 2, Naga City ug Bogo City nga may tag is aka bulawang medalya. 

Sa hanay sa mga makakuhag medalya nga plata, nag –una gihapon ang City City sa 22 ka medalya nga plata, Lapulapu City nga may 17 ka medalya, Mandaue City nga may 9, Cebu Province nga may 8, Bohol nga may 7, Danao City nga may 4 ug Naga nga may 3.

Ang Bogo City ug Siquijor may tag usa ka plata nga medalya niadtong Pebrero 14. 

Sa iniphanay sa bronse nga medalya, usa lang ang ligas sa Bohol Province sa Cebu City nga may 18 kon itandi sa 17 sa Bohol sama sa medalya usab sa Lapulapu.

May 4 ka bronse ang Mandaue, 3 sa Bogo, Tag duha ang Tagbilaran City ug ang Talisay samtang tag usa kabuok ang nasakmit sa Siquijor, Toledo ug Naga. 

Sa laing bahin, ang Tagbilaran City nga apil usab ug lahi nga team sa Bohol naa na sa ika 11 nga lugar, posisyon nga iyang gisawhan sa Talisay City sa Negros Oriental. 

Ang nahisgutang resulta nakuha sa alas 5:00 sa hapon Pebrero 14, matud ni Hubac. 

Ang CVRAA giapilan sa 3 ka mga lalawigan, ug 10 syudad sa Rehiyon 7: Cebu Province, Bohol Province, Siquijor Province, mga syudad sa Cebu, Danao , Lapulapu, Mandaue, Talisay, Bogo, Naga, Toledo, Carcar ug Tagbilaran.

Ang CVRAA mao nay regional qualifier alang sa Palarong Pambansa ug tapokon niini ang labing kusgan, labing paspas, labing askil ug labing hanas sa mga duwa sa athletics, ball games, swimming ug uban pa. (rac/PIA-7/Bohol)