DOE magpatuon sa katukoran 

sa mga "tubilanan" sa e-cars

TAGBILARAN CITY, February 21 (PIA)-- Sa nagkadaghan na nga mga sakyanang gipadagan sa koryente, o e cars- (e-vehicles) buot karon sa Department of Energy (DOE) nga padaghanon na usab ang mga estasyonan nga mokarga sa mga baterya nga gigamit ning nahisgutang mga sakyanan. 

Matud ni Energy Secretary Alfonso Cusi, gusto nita nga ang namugna nga AdHoc Technical Working Group magtuon usab sa kamaayo kon magpatukod og mas daghan pang mga charging stations alang sa e-vehicle ilabi na kon buksan usab sa nga gasolinahan. 

Buot nato nga ang TWG maghimog pagtuon aron tukion ang technical viability sa imprastraktura, timbangon ang iyang luwas nga pagdumala subay sa mga gisunod nga mga protocols sa gawas sa nasud aron kahimo-an na sa mga gikinahanglang palisiya ug legal nga sumbanan," pahayag ni Cusi.

Ang DOE nanguna karon sa pagduso sa kagamhanan sa alternative fuels ug mga teknolohiya sa energy, dugang niya.

Iyang gipasabut nga ang kaluwasan ug ang kasayon sa pagkuha sa serbisyo maoy angay nga ikonsidera aron ilhon asa dapit ipahimutang ang mga charging stations.

Kahinumduman nga una na nga gitukod ni Cusi ang TWG to aron ilhon kon maayo ba nga ang mga gasolinahan himoon usab nga charging station alang sa electric or e-vehicles ilabi na sa pagdaghan sa mga sakyanang ingin niini sa nasud. 

Ang DOE kasamtangan nga nga naa sa proseso sa pagmugna sa giya nga mga palisiya sa kinatibuk-ang pag-ugma ug pagdugang pa sa paggamit sa alternatibo nga sugnod ug energy technologies, lakin na syempre ang industriya sa e-vehicles.

Gihatagan niya og diin nga ang negosyo dinhi kinahanglan lamang usab nga mahasubay sa mga kasamtangang stratehiya lakip na ang luwas nga paggamit ug ang mga balaod nga maoy gibasehan sa pagkabit sa alternatibong sugnod. 

Niini, gipadagan na usab sa DOE ang pagpakatap sa kasayuran uban sa mga ahensya nga natungdan ug natahasan aron mahulma ang usa ka investment environment alang sa mas sayon ug walay pagpihig nga paggamit sa alternatibong sugnod ug mge teknolohiya ilabi na kadtong limpyo ug mahura ra dinhi sa nasud. (PIABohol)

TUBIL o SAKSAK? Buot na sa DOE nga tun-an kon luwas ba anga ang mga gasolinahan tugotan ba usab sa pagpasaksak sa mga sakyanang de koryente agi og dugang serbisyton. (Hulagway sa google.com)