LMP, duha ka diyosesis 

Misaad og suporta sa 

ipadayon’g anti-drug drive

TAGBILARAN CITY, February 6, (PIA)—Misaad og supporta ang League of Municipalities of the Philippines (LMP) sa Bohol, lakip na ang duh aka diyosesis kabahin sa ipadayon nga kampanya sa illegal nga drugas labi na ang pagsagop sa programa sa pagpahiuli sa mga adik gamit ang drug rehab program without walls. 

Didto sa imaging Provincial Peace and Order Council (PPOC), ang president sa (LMP Bohol Chapter) ug Clarin town mayor Allen Ray Piezas mibarug alangs a 47 ka mga mayors sa usa lamang ka tingog: ug kini mao ang pagsuporta sa ipadayon nga anti-illegal drugs drive u gang pagsagop sa Community Based Drug Rehabilitation Without Walls (CBDRWW) alang sa tibuok Bohol. 

Gawas sa mga mayors, sila usab si Obispo sa Diocese of Tagbilaran Alberto Uy ug Diocese of Talibon nga Obispo Patrick Daniel Parcon mipadayag sa ilang paghiusa sa kampanya batuk sa drugas. 

Butyag ni Mons. Uy, Ilang gipatin-aw ang ilang panaad sa pagsuporta sa simbahan ug mga laygo nga sakop niini, ug nga sila makig-usa sa pagbuhat aron makab-ot ang mga tumong sa kagamhanan.

Matud usab ni Mons. Parcon, “Sa simbahan, kanunay kitang naningkamot alang sa kaayuhan sa katawhan, ug kitang mga Pilipino angay nga maningkamot sa pagluwas sa atong mga isigka tawo gikan sa hulga sa adiksyon. 

Niadtong Enero 31, ang gihiusang tigum sa PPOC u gang Provincial Anti Drug Abuse Council (PADAC) misagop sa CBDRWW bisan pa nga gipa-undang una ang pagpangulo sa kapolisan sa kampanya.

Kasamtangang gisuspenso usab ang pag-apil sa National Bureau of Investigations sa anti-drugs drive ug karon bugtong ang Philippine Drug Enforcement Agency (PDEA) na lamang ang mangabaga sa kampanya. 

Ang PDEA maoy ahensya sa kagamhanan nga gisangunan sa balaod nga manguna sa kampanya sa anti-illegal drugs ug substance abuse.

Dala sa kakuwang sa tawo sa PDEA, gipatabang ang kapolisan pinaagi sa ilang Provincial, City ug Municipal Anti-Illegal Drugs Task ug Special Operations Group , Criminal Investigation and Detection Group, ang National Bureau of Investigation, ug uban pang espesyal nga mga bahan nga nag-abag sa PDEA. 

Kini usab subay sa saad ni Presidente Rodrigo Duterte, nga papason ang suliran sa drugas sa iyang termino.

Dinhi usab nabutang sa kompromiso ang kapolisan ug NBI agents dala sa pasangil sa kidnap for ransom, extortion ug mga abuso. 

Dungan sa pagsuspenso sa kapolisan pinaagi sa mandu ni PNP Chief General Ronald dela Rosa, gimandu usab ni Gob. Chatto ang pagpadayon sa kampanya uban sa PDEA. 

Sa kampanya, giaghat ni Gob Chatto ang katawhan ug komunidad sa ilang pag-tabang, pinaagi sa giluwatan nga Memorandum. 

Inay sugdan sa mga barangay ang mga lakang aron ikadeklara na nga limpyo na sa hulga sa drugas ang barangay, adto na kini sugdan sa mga purok. 

Ang purok maoy labing gamay nga political unit sa barangay ug mas dali kining suhiron ug itumbok ang may suliran sa drugas. 

Kadtong banay nga wala nay drugas sa balay, hatagan sa “seal of good housekeeping,” butyag sa gobernador. 

Ang Barangay Anti Drug Abuse Council (BADAC) maoy mopamatuod sa pagkawala nay suliran sa drugas sa banay, u gang mga silingan ang modasun sa kamatuoran o moreklamo kon may makalusot nga adki sa banay.

Gikan sa kabalayan, ilogon og balik sa Bohol ang kalinaw pinaagi sa pagpapha sa hulga sa drugas. 

Ang balay nga wala pay seal, tabangan sa mga silingan aron maka-kuha kini sa selyo sa dili madugay. (rac/PIA-7/Bohol)