SA NAGPADAYONG CVRAA…

Bohol: ikatulong pwesto, 

apsan sa Cebu Province

TAGBILARAN CITY, February 15 (PIA)—Mikanaug ngadto sa ikatulong lugar ang Bohol human maapsi sa Cebu Province sa gidaghanon sa nakuhang medalya human sa tulo ka adlaw nga bugno sa kusog ug kaaskil. 

Sa kasayuran nga gipaambit sa Department of Education (DepED) Bohol Division Information Officer Lope Hubac, sa alas 5:00 sa hapon Pebrero 15, milobo na ngadto sa 65 ka medalyang bulawan ang nakuha sa Cebu City, 22 na ang bulawan sa Cebu Province samtang 19 na usab ang nasakmit nga bulawan sa Bohol aron yak-an ang ikatulong dapit. 

Segun sa official medal tally nga gipaambit sa hepe sa Records ug Results sa nagpadayon nga Central Visayas Regional Athletic Association, si Alberto Mangaron mipamatuod nga gawas sa 65 ka bulawan, nakuha na usab sa Syudad sa Sugbo ang 43 ka plata ug 38 ka bronse nga bulawan nga maoy nakatulak sa delegasyon nga motalibongbong. 

Sa wa damha nga panghitabo, gikan sa ika duhang pwesto gahapon, mi-us-os ang Bohol ngadto sa ikatulo nga lugar human gipun-an sa Cebu province ang ilang mga bulawang medalya sa 19 ka plata ug laing 19 ka bronse. 

Ang Bohol nga naapsan, gawas sa 19 ka bulawang nasakmit, may 20 na usab ka plata ang nakuha sa iyang mga atleta samtang 31 ka bronse ang karon ilang gisaligan. 

Naa na sa ika upat nga pwesto ang Lapulapu City sa 15 ka bulawan, 27 ka plata ug 23 ka bronse. 

Ang laing powerhouse team nga Mandaue City mikuha lang sa 13, 19, 24 ka bulawan, plataug bronse nga mga medalya alang sa ika lima nga pwesto.

Naa sa ikaunom nga pwesto ang Danao City sa record nga 12 ka bulawan, 14 ka blata nga medalya ug 17 ka bronse.

Ika pito na ang Tagbilaran sa pagka karon, uban sa 10 (bulawan), 7 (ka plata) ug 9 ka medalyang bronse. 

Kahinumduman nga sa miaging tuig, ang Cebu City maoy nahimong kampeon ug kini gisundan sa Mandaue City sa dili pa ang Bohol.

Human sa tulo ka adlaw nga mga duwa, misaka na usab ang Lalawigan sa Sugbo alang ika duhang dapit bisan pa nga ang Cebu Province didto sa ika upat nga lugar sa miaging tuig. 

Sa mga taga Bohol, nakadughit sa bulawang medalya sila si Eduard Nilmida Jr. (Athletics), Pejana Mark Vincent (Shot Put), Erica Mae Cagogo (High Jump), Janele Lee Lagahit (Gymnastics), Leo Ivan Bendijo (High Jump), Dwight Galolo (1500 meter run), Haizel Bentulan (1500 meter run), Vincent ALNino Sarabia, Riza Jane Valiente (Athletics), Hannah Jane Darador (Athletics). 

Bulawang medalya usab ang nakuha nila ni: Ranielyn Mae Simo (Athletics), Jemil Doblas (Billairds), Visvera Marie Timbal, Niño Amijan ug Fagerland Angela (Swimming).

Dyutay pa apan kombinsido si Dr Cesar Tomas Lopez nga modagsang ra ang mga drug surrenderers sa Bohol nagdto sa mga municipal centers for Drug Education and Counseling human maactivate ang mga MDEXC sa kalungsuran ug BDEC sa mga kabarangayan. (rac/PIA-7/Bohol)