AFP misaad nas serbisyo sa

ilang SWAT batok sa druga

TAGBILARAN CITY, February 28 (PIA)—Gisaad na sa usa ka labaw nga opisyal sa Armed Forces of the Philippines (AFP) ang serbisyo sa duha ka squad sa kasundalohan nga bag-o lamang mitapos sa bansay sa Special Weapons And Tactics (SWAT). 

Didto sa Provincial Peace and Order Council Meeting sulod sa Conference Hall sa Mansion Niadto Pebrero 28, gitaho sa opisyal sa 302nd Brigade nga motapus na ang duha ka squad sa kasundalohan sa elitista nga bansay.

Kining duha ka hanay sa tag 9 ka tawo sa matag hanay, maoy ibugtaw sa AFP isip ilang mga eksperto na unya sa gubat batok sa illegal nga druga.

So Col Jose Dodgie Belloga una na nga mibutyag nga wala kaayoy kahanas ang kasundalohan sa pagpakig-away sa drugas sanglit ang ilang bansay tua magtutok sa gubat batok sa insurhensya ug sa mga armadong rebelde. 

Apan sa gisangon ni Presidente Rodrigo Duterte nga mandu nga maghatag og suporta ang kasundalohan sa gubat sa druga, gipailawom gilayon sa AFP ang 16 ka elemento ug 2 ka opisyal aron moapil sa bansay sa SWAT nga gitanyag sa kapolisan. 

Gipundohan usab sa kagamhanang Probinsyal ang SWAT dala na sa dako kini og ikatabang sa pagpatunhay sa kahusay ug kalinaw.

Mibutyag usab ang deputy Regional Director for Administration sa Central Visayas PNP nga si PCSupt Franklin Moises Mabanag nga ang SWAT gibansay usab aron pagresponde sa pagdispatsar sa mga bomba og mga improvised explosive device, bansay sa sniping, hostage negotiations, crowd control ug pagdumala sa mga critical incidents. 

Ang gubat batok sa illegal nga druga kasagaran adto mahitabo sa mga syudad ug mas daghan ang gikinahanglang katakus sa close quarter battle, kinalit nga pagsulod sa mga kabalayan sa panahon sa ronda, pagdasdas gamit ang mugbo nga armas ug paggamit sa shock and awe. 

Dal;a sa bansay sa SWAT, naangkon na usab sa bahan sa mga kasundalohan ang mga gikinahanglang katakus aron ikaparang sa mga labing hawod nga matang sa kapolisan pinaagi sa SWAT. 

Sabay usab niini, gibatbat ni Mabanag nga dili mahimong molugak ang kapolisan batok sa kaaway ug kriminalidad. 

Iyang gidason usab nga kinahangalang ang SWAT kanunay gayud nga mag-usa sa mga lakang nga himoon sa mga kaaway. (rac/PIA-7/Bohol)

Dan-ag nga imahen sa Bohol SWAT ang gikapakita sa bugtong babaye nga nakatapos sa labing lisud pasron nga bansay sa mga bantugang sakop sa kapolisan nga karon giapilan nag kasundalohan. (rac/PIA-7/Bohol)