DepEd, magpahigayon og orientation 

isip pagpangandam sa himuong drug testing

TAGBILARAN CITY, March 8 (PIA)--Isip pagpangandam sa ipahigayong random drug testing, ipaubos sa orientation sa Department of Education (DepEd) ang mga magtutudlo ug uban pang school personnel.

Bahinon sa DepEd sa 6 ka clusters ang pagpahigayon sa taining-orientation nga gilangkoban sa mga mosunod nga lokasyon: Angeles City – alang sa rehiyon 2 ug 3; Manila – rehiyon 4A, 4B, 5 ug 8; Cebu City – rehiyon 6 ug 7; Davao City – rehiyon 9, 11, 12 ug ARMM;  Cagayan De Oro – rehiyon 10 ug CARAGA; ug Baguio City – rehiyon 1 ug CAR.

Dinhi itudlo ang legal ug regulatory aspect sa drug testing; bansayon ang mga regional ug schools division personnel sa specimen collection and testing; tukion kun unsaon ang himuong lakang sa mga estudyanteng magpositibo sa droga; ug itudlo ang documentation ug recording sa proseso sa drug testing.

Duha ka partisipante gikan sa matag regional office ang motambong sa training nga apilan sa health coordinator ug regional director o authorized representative.

Unom ka partisipante usab ang maggikan sa schools division offices apil ang school division superintendent, medical officer, guidance counselor, 2 division nurses, ug ang principal.

Langkoban sa random drug testing ang mga estudyante sa high school, mga magtutudlo sa elementarya ug sekondarya, ug ang mga opisyal ug empleyado sa central, regional, ug school division offices sa DepEd. (ecb/PIA7-Bohol)