DILG, may pahinumdom sa ipahigayong

barangay assembly sa Marso 25

TAGBILARAN CITY, March 8 (PIA)--Gipahinumdoman ni Department of Interior and Local Government (DILG) Kalihim Mike Sueno ang naa sa 42,000 ka barangay nga mag-andam na sa ipahigayong bi-annual Barangay Assembly Day sa Marso 25.

Sa pahayag niini, giingong obligado ang mga kagamhanang lokal sa pagpahigayon niini tungod kay nakabase ang assembly sa Section 397 sa Republic Act No. 7160 o Local government code.

Ipahigayon kini matag katapusang Sabado sa Marso ug ikaduhang Domingo sa Oktubre aron mahibaw-an ang mga reklamo o sentimyento sa mga residente.

Kun dili makapahigayon sa maong barangay assembly, mahimong mag-atubang og kasong administratibo ang mga lokal nga opisyal.

Samtang nanghinaot usab si Sueno nga malabwan pa ang gipahigayong barangay assembly nga nikabat sa 40,917 barangay reports niadtong niaging tuig. (ecb/PIA7-Bohol)