Dili tanang pulis maka-apil sa
Gipabag-ong drug operations

CORTES, Bohol March 8 (PIA)—Dili na ang tanang sakop sa kapolisan ang maka-apil sa ipadayon nga kampanya batok sa illegal nga drugas.

Kini maoy pagpatin-aw sa Philippine National Police pinaagi ni Region 7 Police CSupt Noli Taliño sa iyang pakigpulong atul sa pagtugyan sa P4.8 milyones nga tulo ka andanang gambalay nga isipong estasyonan sa kapolisan sa Cortes.

Sa pagpdayaon sa napa-undang nga kampanya batok sa illegal nga drugas, gibutyag ni General Taliño nga sa kapin sa 8,000 ka sakop sa kapolisan sa Central Visayas, 9 lamang ang napamatud-ang positibo sa drugas.

Dayun, gipailawom na ang 9 sa summary dismissal proceedings ug kon mapamatud-ang may sala, segurado ang opisyal nga taktak na kini sila sa trabaho.

Daghang nadamay sa sala sa pipila lamang, dugang niya samtang iyang giangkon nga ang pag-undang sa kapolisan sa kampanya, nakaapekto gayud sa momentum.

Karon sa [pagpabalik na sa kapolisan, matud ni Taliño, estrikto na sila sa pagsiha kon kinsa nga puli ang angayan nga maka-apil sa kampanya.

Matud niya, kadto lamang mga kapolisan nga makaapil sa mugnaon nga Drug Enforcement Teams (DET) sa kalungsuran ang magamhanan, ug sila kadtong napailawom sa ekstensibong background investigation ug nakapasar.

Ika duha, sila lamang nga sakop sa DET ang makahimo sa operations nga ang tumong batok sa drugas.

Ikatulo, kinahanglan gihapon nga ang operations sa DET nacoordinate gihapon sa Philippine Drug Enforcement Agency (PDEA) aron dili ma kalingakawas ang mga suspetsado sa technicality.

Ika-upat, ang drug operations kinahanglang kuygan sa Barangay Officials, mga pari o pastor sa mga relihiyoso nga bahan, isip saksi sa kalihukan.

Niini, nanghinaut gihapon ang hepe sa Central Visayas nga ikapadayon na sa labing dali ang mga kadaugan nga napaundang, samtang gipanawagan gihapon sa kapolisan ang tabang ug pag-abag sa tanan alang sa kalampusan.

Ang drugas responsibilidad sa tanan, panapos ni Taliño. (rac/PIA-7/Bohol)

Si Cortes OIC Chief of police SPO$ Josue Lungog milagda sa mga papeles sa pagtugyan sa P4.87 milyones nga estasyonan sa kapolisan sa Cortes samtang gisaksihan kini ni PCSupt Noli Taliño. Wala may dagkong pusher sa Cortes, gipaabut nga hulmahon na usab ang DET aron itulak nag usab ang kampanya kontra drugas. (rac/PIA-7/Bohol)