DTI misaulog sa Consumer Rights Day

Sa pag-Seminar sa mga konsumidor

CORTES, Bohol, March 25 (PIA) –Gihimo sa Department of Trade and Industry (DTI) sa Bohol ang Orientation Seminar sa e-presyo ug sa balaod kabahin sa saktong sukli ngadto sa mga estudyanteng Bol-anon.

Uban sa mga consumer groups ug mga estudyante sa upat ka mga dagkong tunghaan sa kolehiyo sa Tagbilaran, ang orientation seminar gitumong aron sayran ang konsumidor ug mga kabataan sa ilang mga katungod ug ug gamhan  sila aron i-asdang ang ilang mga katungod isip konsumidor.

Partikular nga gihisgutan didto uban sa mga konsumidor ug estudyante sa Bohol Island State University, Holy Name University, University of Bohol and the Bohol Institute of Technology ang e-presyo.

Ang “e-presyo” usa  ka online price monitoring system diin ang publiko makatandi sa mga kasamtangang presyo niini sa ubang bahin sa nasud pinaagi sa pagtan-aw gikan sa website sa DTI.

Pinaagi niini, ang publiko dali na nga maka access sa price monitoring ug ikatandi na niya kini sa mga taho nga giplastar sa DTI, o pinaagi sa usa  ka application nga mahimong idownload pinaagi sa smart phones.

Sa laing bahin, gilakip usab didto sa Orientation Seminar nga nagsagop sa tema nga “Building a Digital World Consumers Can trust,” gihisgutan usab ang Republic Act 10909.

Kini mas nailhan nga No Shortchanging Act, diin gi regulate niini ang pagpanikas sa mga business establishments nga miresulta sa pagka-alkanse sa mga konsumidor .

Gibatbat usab sa nahisgutang balaod ang katungod sa mga konsumidor nga mangayo gayud sa tukmang sukli gikan sa mga establisemento.

May mga tindahan nga nagpadayon sa ilang mga illegal nga buhat nga nakapa-alkanse sa mga konsumidor tungod sa pagsukli og kendi o mga butang nga ila usab nga baligya.

 Mga mamumulong sa nahisgutang Orientation Seminar sila Miguel Abuyabor ug Jose D. Hibaya sa DTI-Bohol.

Ang seminar didto himoa sa DTI Conference Room niadtong marso 15, 2017 sa ala una y medya ngadto sa alas kwatro sa hapon.

Sa Marso 15, gisaulog sa tibuok kalibutan ang World Consumer Rights  Day (WCRD) 2017, ug kini maoy tampo sa DTI Bohol. (rahc/PIA-7/Bohol)

Si Miguel Abuyabor sa DTI Bohol mipasabut sa e-presyo, us aka online price monitoring application nga mahimong idownload sa smartphones, atul sa World Consumer Rights Day, Marso 15. (tampo nga hulagway)