HNU may 30 minutos

Na nga libreng “wifi” 

TAGBILARAN CITY, March 10 (PIA)—Katlo-an (30) ka minutos nga libreng wireless fidelity (WIFI) alang sa mga estudyante sa Holy Name University ug mahimong modugang pag sinati sa serbisyo sa kubos nga presyo. 

Kini maoy kabag-ohan nga gidangatan sa komunidad sa HNU human natuman nag kasabutan sa mga pari sa HNU u gang Smart Communications alang sa #HNUSmartWIFI. 

Kini nahitab us aka adlaw human giaprobahan ni Presidente Rodrigo Duterte ang Philippine National Broadband Plan aron ipaabut sa mga kabaranggayan sa tibuok kapupod-an ang paspas ug kasaligan nga komunikasyon sa nasud. 

Segun sa kasabutan tali sa duha ka partido, ang Smart Communications incorporated maghatag og 100 megabyte per second (mbps) nga internet bandwidth ngadto sa eskwelahan nga may libre na nga 30 minutos nga internet surfing matag adlaw.

SI HNU President Fr. Francisco Estepa SVD, mipadayag sa iyang kalipay sa serbisyo ug mibutyag nga ang HNUSmartWifi maoy ika tulo nga serbisyo sa Smart nga nakuha sa tunghaan.

Matud ni Fr Estepa, aduna na silay Smart Learning Suite, Smart Sports ug ang SmartWIFI.

Segun sa kasabutan, ang Smart ang magpahimutang sa imprastraktura sa wireless nga komunikasyon sa eskwelahan. 

Ang imprastaktura maga-apil sa mga kable, internet access points, 100 MBPS nga internet bandwidth, libre nga pagmintinar ug pagpadagan sa pasilidad, magtanyag usab ang Smart sa co-branded set service identification (ssid) ug leading page alang sa HNU. 

Tugbang niini, ang HNU maoy magbayad sa koryente nga magamit unya sa pasilidad, libreng lugar nga kabutangan sa infrastructure, pagpakabit sa pasilidad ug kahimanan niini sa HNU emergency power supply, ug misaad nga motabang og bantay aron dili kabinu-angan ang mga kable. 

Gawas sa 30 minutos nga libre, kadtong gusto pang mogamit sa paspas nga surfing, mopalit lang sa Smart Cards aron makagamit sa sobra sa 30 minutos nga libre. 

Gilagdaan ang mga kasabuta sa Wifi Team sa Smart Communications pinaagi ni Regina Pineda, ug sa HNU pinaagi ni Fr. Estepa. (rac/PIA-7/Bohol)

Gipakita ni Regina Pineda sa Smart Communications and timailhan sa pagkakonektar na sa WIFI alang sa HNU samtang gidawat usab kini ni HNU President Francisco Estepa samatang misaksi si Lailane Husain sa SMART Visayas ug si Fr Vic Uy sa HNU. (rac/PIA-7/Bohol)